އެރަށް މޮޮނިޓަރިން އަށް ލާފައިވަނީ މާންދޫން އެރަށަށް އައިސްފައިވާ ދެމީހުން ޕޮޒިޓިވް ވުމާއި ގުޅިގެންނެވެ.
އެދެމީހުންނަކީ ބުރާސްފަތި ދުވަހު މާންދޫއިން ދަނބިދޫއަށް ގޮސްފައިވާ ބައެއް ނަމަވެސް މާންދޫއިން މީހަކު ޕޮޒިޓިވްވި ކަން އެނގުނީ ހުކުރުދުވަހު ކަމުން އެމީހުންވެސް ކަރަންޓީނު ކޮށްފައިވަނީ މިދިޔަ ހުކުރު ދުވަހުގައެވެ.
އެމީހުން ޕޮސިޓިވްވީކަން އެނގުމާއެކު ކޮންޓެކްޓު ޓްރޭސިންގެ މަސައްކަތް ފަށާފައިވާނެ ކަމަށާ، އެގޮތުން މިހާރު އެމީހުންނާ 39 މީހަކު ޑައިރެކްޓް ކޮންޓެކްޓް ވެފައިވާ ކަން އެނގިފައިވާ ކަމަށް ދަނބިދޫ ހެލްތު ސެންޓަރުން ބުންޏެވެ. އަދި ޑައިރެކްޓު ކޮންޓެކްޓްވީ މީހުންގެ ތެރެއިން ފަސް މީހެއްގެ ސާމްޕަލް މިހާރު ނަގާފައިވާ ކަމަށާ، އޭގެ ތެރެއިން ތިން މީހެއްގެ ގައިން ކޮވިޑުގެ އަލާމާތްތައް ފެނިފައިވާ ކަމަށްވެސް ދަނބިދޫ ހެލްތު ސެންޓަރުން ބުންޏެވެ.
މިއާއެކު މިހާރު ރާއްޖޭގައި މޮނިޓަރިންގެ ހާލަތަށް ލެވިފައިވަނީ ޖުމްލަ 23 ރަށެކެވެ.
