ފީއަލީގެ ފަރާތުން ސީއެންއެމް އަށް މައުލޫމާތު ދިން ފަރާތުން ވިދާޅުވީ ރޭންޑަމް ސާމްޕަލްތަކުގެ ނަތީޖާ ލިބިފައިވަނީ ރޭގެ ވަގުތެއްގައި ކަމަށާއި، އެގޮތުން ނެގި 12 ސާމްޕަލްގެ ތެރެއިން 4 މީހުން ކޮވިޑަށް ޕޮޒިޓިވް ވެފައިވާ ކަމަށެވެ.
ޕޮޒިޓިވްވީ 4 މީހުންގެ ތެރެއިން އެކަކަކީ އިންޑިއާއިން ރަށަށް އައިސް ހޯމް ކަރަންޓީނުގައި ތިބި ރަށު ބަޔަކާ ޑައިރެކްޓް ކޮންޓެކްޓް ވެފައިވާ މީހެެއް ކަމަށް މައުލޫމާތު ލިބެއެވެ. ނަމަވެސް ނެގި ރޭންޑަމް ސާމްޕަލް ތަކަކީ ފީއަލީގައި ރޯގާއެއް ފެތުރެމުންދާތީ ނެގި ސާމްޕަލްތަކެއް ކަމަށް އެރަށުން ސީއެންއެމް އަށް ވަނީ މައުލޫމާތު ދީފައެވެ.
އިންޑިއާއިން އައި ޖުމްލަ 8 ދިވެހިން މިވަގުތު ފީއަލީގައި ހޯމް ކަރަންޓީނުގައި އެބަތިއްބެވެ. އަދި އެ އެންމެންވެސް ކޮވިޑަށް ޕޮޒިޓިވް ކަމަށާއި ނަމަވެސް އެންމެންގެ ހާލުވެސް ރަނގަޅު ކަމަށް އިތުބާރު ހިފޭ މަސްދަރަކުން ސީއެންއެމް އަށް ވަނީ މައުލޫމާތުދީފައެވެ.
އެރަށުގައި އިތުރު ކޮވިޑްގެ ކޭސްތައް އޮތްތޯ ބެލުމަށް މިހާރު ދަނީ ކޮންޓެކްޓް ޓްރޭސިންގެ މަސައްކަތް ކުރަމުންނެވެ.
