ބުދަ ދުވަހުގެ ރޭ ކުޅުނު ފައިނަލް މެޗު ޔުވެންޓަސް އިން ކާމިޔާބު ކުރީ ދެ ލަނޑު އެއް ލަނޑުންނެވެ.
އެޓްލާންޓާއާ ދެކޮޅަށް ކުޅުނު ފައިނަލް މެޗުގައި ޔުވެންޓަސްގެ ފުރަތަމަ ލަނޑު އެ ޓީމަށް ކާމިޔާބުކޮށްދިނީ ޑޭޖާން ކުސުލެވްސްކީ އެވެ. ފުރަތަމަ ހާފުގެ މެދެއްހާ ހިސާބުގައި ޖެހި މި ގޯލާ އެކު ޔުވެންޓަސްއަށް ކުރި ލިބުނު ނަމަވެސް ފުރަތަމަ ހާފު ނިމުމުގެ ކުރިން އެޓްލަންޓާއިންވަނީ ލަނޑެއް ޖަހައި މެޗުގެ ނަތީޖާ ހަމަހަމަކޮށްފައެވެ. އެޓްލާންޓާއަށް އެއްވަރުކޮށްދިނީ ރުސްލާން މަލިނޭސްކީއެވެ. ޔުވެންޓަސްއަށް ތަށި ކާމިޔާބުވީ ލަނޑު، ދެވަނަ ހާފުގެ ތެރޭގައި ޖެހީ ފެޑެރީކޯ ޗިއޭސާ އެވެ.
ވޭތިވެ ދިޔަ ނުވަ ސީޒަންގެ ލީގު ޗެމްޕިއަން ޔުވެންޓަސްއަށް މި ސީޒަންގައިވަނީ ލީގު ގެއްލި ޔޫރަޕުގެ މުބާރާތުންވެސް ކަޓާފައެވެ. އެހެންނަމަވެސް މި ތަށި ލިބުމާ އެކު ހުސް އަތާ ސީޒަން ނިންމާކަށް ޔުވެންޓަސްއަކަށް ނުޖެހޭނެއެވެ.
