ޔޫޓިއުބް އިން އެކަނިވެސް މި ލަވައަށް 53 މިލިއަން ވިއުސް ހަތް ގަޑިއިރު ތެރޭ ލިބިފައިވާ އިރު، ލަވަ ރިލީޒް ކުރިތާ 15 މިނެޓު ތެރޭ މި ލަވައަށް ވަނީ 10 މިލިއަން ވިއުސް ލިބިފައެވެ.
އެގޮތުން ބީޓީއެސް އިން މިވަނީ މި ލަވައާއެކު އަނެއްކާވެސް ޔޫޓިއުބްގެ ޕްރިމިއާ ރެކޯޑް މުގުރާލާފައެވެ. މި ލަވަ ޕްރިމިޔާ ކުރުމާއެކު ގިނަ އަދަދެއްގެ މީހުން މި ލަވަ ބަލާފައިވާއިރު، ޔޫޓިއުބުން އޮފިޝަލް ޕްރިމިއާ ނަންބަރުތައް އަދި އިއުލާނު ކޮށްފައެއް ނުވެއެވެ.
ބީޓީއެސް އިން މީގެ ކުރިން ޔޫޓިއުބް ޕްރިމިއާ ރިކޯޑު ހޯޑާފައިވަނީ އެ ގްރޫޕުގެ ލަވަ "ޑައިނަމައިޓް" ރިލީޒް ކުރި އިރު އެވެ. ޑައިނަމައިޓްއަށް 24 ގަޑިއިރު ތެރޭ ވަނީ 101.1 މިލިއަން ވިއުސް ލިބިފައެވެ.
ބީޓީއެސް އިން އަންނަނީ ގިނަ ކާމިޔާބީތަކެއް ހޯދަމުންނެވެ. އެގޮތުން ބީޓީއެސް އަކީ މުޅި ސައުތް ކޮރެޔާ ގެ ފަހުރު ކަމަށްވެސް އެ ގައުމުގެ ރައީސް ވަނީ ވިދާޅުވެފައެވެ.
ގްރޭމީ އެވޯޑްސް އަށް ނޮމިނޭޓްވި ފުރަތަމަ ކޭޕޮޕް ގްރޫޕަކީވެސް ބީޓީއެސް އެވެ.
