ރަށްޓެހިވިތާ މާގިނަ ދުވަހެއް ނުކޮށް ކައިވެނިކުރި މިދެމަފިރިންގެ ކައިވެންޏަށް މިހާރު އެއް އަހަރު ފުރިފައިވާއިރު، ނުޒޫ ވަނީ ބައިސްކޯފް ޝޯއަކަށް ނުޒޫ ރިޗާޑްއާއި ކައިވެނިކުރަން ނިންމި ސަބަބު ހިއްސާކޮށްފައެވެ.
ނުޒޫ ބުނީ، ރިޗާޑް އޭނާގެ ފިރިއެއްގެ ގޮތުގައި ގަބޫލުކުރީ އެއްވެސް މީހަކު އަދި ނުޒޫ ގަބޫލުނުކުރާ ހިސާބަށް ރިޗާޑް ކަންތައް ކުރުމުން ކަމަށެވެ.
އިތުރަށް ތަފްސީލްކޮށްދެމުން ބުނެފައިވަނީ ނުޒޫ ރިޗާޑް ކައިރީގައި އޭނާ ފިރިއެެއްގެ ގައިގާ ހުންނަން ބޭނުންވާ ސިފަތައް ކިޔާދިނުމުން އެ ސިފަތައް ރިޗާޑްގެ ގައިގާ ހަރުލައްވަަން އޭނާ ދެދުވަސް ވެސް ނުނެގި ކަމަށެވެ.
ނުޒޫ ބުނީ މީހަކު ޗޭންޖުވާން ކޮންމެހެން މާގިނަ ދުވަސްތަކެއް ބޭނުންނުވާނެކަމާއި، ބަދަލުވާން ބޭނުންވާނެ މީހަކު ވަގުތުން ބަދަލުވާނެކަން ނުޒޫއަށް ރިޗާޑްގެ ކިބައިން ދަސްވިކަމަށެވެ.
ނުޒޫ ބުނީ ފުރަތަމަ އުޅުނީ މީހަކު ރަނގަޅު ކޮށްދެވިއްޖެއްޔާ އެއީ ވަރަށް ހެޔޮކަމަކަށް ވާނެކަމަށް ހީކޮށްގެން އެކަން ކުރެވޭތޯ ކަމަށާއި އެހެންނަމަވެސް ފަހުން ރިޗަޑަކީ ދޫކޮށްލާވަރުގެ މީހެއް ނޫންކަން އިހްސާސްވި ކަމަށެވެ.
ނުޒޫ އަކީ މިހާރު ފިލްމީ ދާއިރާގެ އެންމެ ފުންނާބު އުސްތަރިންގެ ތެރޭގައި ގުނާލެވޭ ތަރިއެކެވެ. ދިވެހި ފިލްމު "ލީނާ" އާއި، "ބަވަތި" ގައި އަދި ކުޅޭ ކޮންމެ ފިލްމަކުން ދައްކުވައިދޭ ތަފާތު މޮޅު އެކްޓިން އިން ނުޒޫ ވެފައިވަނީ ފިލްމީދާއިރާގައި ހުނަރުވެރި މޮޅު ތަރިއަކަށެވެ.
