ސަލަފް ޖަމިއްޔާގެ މެމްބަރެއްގެ ގޮތުގައި ހަރަކާތްތެރި ވަމުން އަންނަ އަލީ ރަމީޒުގެ ޓްވިޓާ އެކައުންޓް ސަސްޕެންޑް ކުރީ ޓްވިޓާގެ އުސޫލުތަކާ ހިލާފުވެގެން ކަމަށް ޓްވިޓާ އިން އޭރު ބުނެފައިވެއެވެ.
ބައެއް މީޑިއާތަކަށް އެކަމާ ގުޅޭ ގޮތުން މައުލޫމާތު ދެއްވަަމުން އަލީ ރަމީޒް ވިދާޅުވީ އެކައުންޓް ސަސްޕެންޑް ކުރި ސަބަބެއް ނޭނގޭ ކަަމަށެވެ. އަދި މިހާރު އެކައުންޓް ހޯދަން “ލިޔެފައިވާ ކަމަށް” ވެސް މައުލޫމާތު ދީފަވެއެެވެ.
އެކައުންޓް އަނބުރާ ލިބުމުން އަލީ ރަމީޒު ވަނީ އެކައުންޓް އަލުން ހޯދައިދިނުމުގައި އެހީތެރިވި މީހުންނަށް ޝުކުރު އަދާކޮށްފައެވެ.
އަލީ ރަމީޒްގެ ޓްވިޓާ އެކައުންޓް ސަސްޕެންޑް ކުރުމުގެ ކުރިން އޭނާ ވަނީ އިޒްްރޭލުން ފަލަސްތީނަށް ހަމަލާ ދެމުންދިޔަ އިރު އެކަމާ ދެކޮޅަށް ޓްވިޓާގައިި އަޑު އުފުލާފައެވެ. އަދި ދިވެހިން ފަލަސްތީނާއި އެކުތިބިކަން ދެއްކުމުގެ ގޮތުން މާލެއާއި އަތޮޅުތެރޭ ރަށްތަކުގައި ހިންގި ހަރަކާތްތަކުގެ މައުލޫމާތާއި ފޮޓޯ ވެސް އަލީ ރަމީޒު ޓްވީޓް ކޮށްފައިވެއެވެ.
އޭގެ އިތުރުންވެސް އަލީ ރަމީޒަކީ ސޯޝަލް މީޑިއާގައި މީހުން ދީނަށް އަހުލުވެރިކުރުމަށް ގިނަ މަސައްކަތްތަކެއް ކުރައްވަމުން އަންނަ ބޭފުޅެކެވެ.
