ހަބަރު /
ރައީސް އޮފީހުގައި މިއަދު ކުރިއަށް ދިޔަ ބައްދަލުވުމުގެ ތެރެއިން -- ފޮޓޯ: ރައީސް އޮފީސް
ސައުތު އޭޝިއަން ގޭމްސްގައި ވާދަކުރި ކުޅުންތެރިންނާ ރައީސް ބައްދަލުކުރައްވައިިފި
07 ޖެނުއަރީ 2020 - 19:54:17
ނިމިގެން ދިޔަ ސައުތު އޭޝިއަން ގޭމްސްގައި ރާއްޖެ ތަމްސީލު ކުރި ކުޅުންތެރިންނާއި އޮފިޝަލުންނާ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް މިއަދު ބައްދަލުކުރައްވައިފި އެވެ.
Advertisement
ރައީސް އޮފީހުގައި މިއަދު މެންދުރުފަހު ކުރިއަށް ދިޔަ މިބައްދަލުވުމުގައި ރާއްޖޭގެ އަންހެން ބާސްކެޓް ބޯޅަ ޓީމާއި އަންހެން ފުޓްބޯޅަ ޓީމް އަދި ރާއްޖޭގެ ފަރާތުން ބައިވެރިވި އޮފިޝަލުން ވެސް ބައިވެރިވެފައިވެ އެވެ.
މި ބައްދަލުވުމުގައި ރައީސުލްޖުމްހޫރިއްޔާ ވަނީ ދިވެހި ޓީމުތަކުން މި މުބާރާތުގައި ދެއްކި ހިތްވަރާ ހޯދި ކާމިޔާބީ ފާހަގަކުރައްވައި ކުޅުންތެރިންނަށް ހިތްވަރު ދެއްވާފަ އެވެ.
މި މުބާރާތުގައި ދިވެހި ޓީމުތަކުން ހޯދި ކާމިޔާބީ އަކީ ގައުމަށް ލިބުނު ޝަރަފެއްކަން ފާހަގަކުރައްވައި ކުޅިވަރު ތަރައްގީކުރުމަށް ސަރުކާރުން ވަރަށް ބޮޑު އިސްކަމެއް ދެއްވާ ކަން ރައީސް ވަނީ ފާހަގަކުރައްވާފަ އެވެ. ހާއްސަ ގޮތެއްގައި ވަކި ކުޅިވަރެއް ތަފާތުކުރުމެއް ނެތި ވަސީލަތްތައް ގާއިމުކުރުމާއި މީހުން ތަމްރީނުކުރުމަށް ސަރުކާރުން މިހާރުވެސް މުހިއްމު މަސައްކަތްތަކެއް ކުރަމުން ގެންދާ ކަންވެސް ރައީސްގެ ވާހަކަފުޅުގައި ވަނީ ފާހަގަކުރައްވާފަ އެވެ.
މި ބައްދަލުވުމުގައި ޔޫތު މިނިސްޓަރު އަހްމަދު މަހްލޫފް ވަނީ ރާއްޖޭގެ ކުޅިވަރުގެ ދާއިރާގެ ތަރައްގީއަށް ސަރުކާރުން ކުރިއަށްގެންދާ މަސައްކަތްތަކުގެ ބައެއް ތަފްސީލްތައް ހިއްސާކުރައްވާފަ އެވެ.
ނޭޕާލުގައި މިދިޔަ މަހު ނިމިގެންދިޔަ ސައުތު އޭޝިއަން ގޭމްސްގައި ދިވެހި އަންހެން ބާސްކެޓް ބޯޅަ ޓީމާއި އަންހެން ފުޓްބޯޅަ ޓީމުން ވަނީ ލޯ މެޑެލް ހާސިލްކޮށްފަ އެވެ. އަދި ސައުތު އޭޝިއަން ގޭމްސްގެ 100 މީޓަރު ދުވުމުން ރާއްޖޭގެ ބާރު ދުވުންތެރިޔާ ހަސަން ސާއިދު ވަނީ ރަން މެޑަލް ހޯދާފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
