ޑރ. ފައިސަލް ކުރެއްވި ޓްވީޓެއްގައި ވިދާޅުވީ ކުރިއަށް އޮތް ދެ ހަފްތާއަށް ރަނގަޅަށް ބަލި ފެތުރުން ހުއްޓުވިއްޖެނަމަ ރާއްޖޭގައި އުޅޭ ވައިރަސްތައް މަރުވާނެ ކަމަށެވެ.
ރާއްޖޭގައި ކޮވިޑް-19 ބަލި ފެތުރުން އިތުރުވެ، މާލޭގެ އިތުރުން ގިނަ ރަށްތަކެއް ވަނީ މޮނިޓަރިންގެ ހާލަތަށް ގެނެސް، ހަރުކަށި ފިޔަވަޅުތަކެއް އަޅާފައެވެ.
މިއާއެކު ސަރުކާރުން ވަނީ މާލޭ ސަރަހައްދުގައި ހިންގަމުންދިޔަ ކާފިއު ހަރުކަށިކޮށް 26 ވަނަ ދުވަހުން ފެށިގެން ދެ ހަފްތާއަށް ހަވީރު 16:00 ފެށިގެން ހެނދުނު 8:00 އަށް ކާފިއުގެ ވަގުތު އިތުރު ކޮށްފައިވާކަން އިއުލާނު ކޮށްފައެވެ.
މީގެ އިތުރުން ކާފިއު ނޫން ވަގުތު ތަކުގައިވެސް އިތުރު ފިޔަވަޅުތަކެއް އަޅަން ނިންމާފައިވާއިރު ކާފިއު ވަގުތު ނޫން ވަގުތު ތަކުގައި ވިޔަސް ބޭރަށް ނުކުމެ އުޅެވޭނީ ފާހެއް އޮވެގެންނެވެ. މި ފާސް ދޫކުރަން ހަމަޖެހިފައިވަނީ ކޮންމެ ގޭބިސީއަކަށް ދެ ފާހެވެ.
