ބައްޕަ މަނިކާއިއެކު ޕްރޮގްރާމެއްގައި ބައިވެރިވެ މާހީ ވަނީ ވަރަށް ގިނަ ވާހަކަތައް ހިއްސާކޮށްފަ އެވެ. އެގޮތުން މާހީ ކައިރީ “ބައްޕަ މަޝްހޫރީ ކޮންކަމަަކުންތޯ އަދި މަޝްހޫރުވީމަ ހިތަށް އަރަނީ ކީކޭތޯ؟” އެހުމުން ބުނެފައިވަނީ، ބައްޕަ މަޝްހޫރުވެފައި ވަނީ އެކްޓު ކުރުމުން ކަމަށެވެ.
މާހީ ބުނީ ބައްޕަ މަޝްހޫރު މީހަކަށްވުމުން ބައެއް ފަހަރު ވަރަށް އުދަގޫވާ ކަމަށާއި، އެކަމުގެ ސަބަބުން މާހީ ޖަޖުކޮށް ބައެއް ކުދިން މާހީ އާއި ވާހަކަ ނުދައްކާ ކަމަށެވެެ.
މީގެ އިތުރުންވެސް ގިނަ ވާހަކަތަކެއް ބައްޕައާއި އެކު މާހީ ވަނީ އެ ޕްރޮގްރާމުގެ ތެެރެއިން ހިއްސާކޮށްފައެވެ.
މުޅި ޕްރޮގްރާމްގައި ވެސް މާހީ ކުރި އެންމެ ބޮޑު ޝަކުވާއަކީ މާހީ އަށްްވުރެ ބައްޕަ މާކީން މާ ގާތްކޮށްގެން އުޅޭ ޝަކުވާއެވެ.
މާހީ ބުނީ އަބަދުވެސް ބުރުޖަހަންވެސް ދާނީ މާކިން ގޮވައިގެން ކަމަށާއި ބައްޕަ ބޮޑަށް އުޅޭނީވެސް މާކިން އާއިއެކީ ކަމަށެވެ. މަނިކު ފަހުން ބުނެފައިވަނީ މާހީ އަކީ އޭނާ ވަރަށް ލޯބިވާ ދަރިއެއް ކަމަށާއި، މާހީ އަށް އެގޮތަށް ހީވަންޏާ ދެން ބޮޑު ބުރެއް ޖަހާލަން މާހީ ގޮވައިގެން ދާނެ ކަމަށެވެ.
