ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ މަރުވެފައިވަނީ މިއަދު އައިޖީއެމްއެޗްގެ އެމެޖެންސީ ރޫމަށް ގެނެވުނު މީހެއް ކަމަށެވެ.
އެޗްޕީއޭއިން ބުނީ މަރުވެފައިވަނީ 58އަހަރުގެ ދިވެހި ފިރިހެނެއް ކަމަށާއި، ކޮވިޑް ޖެހިގެން މަރުވެފައިވާކަމަށް ޑޮކްޓަރުން ނިންމާފައިވަނީ 15:00 ގަައި ކަމަށެވެ.
މިއީ މިއަދުގެ ތިން ވަނަ މަރެވެ. ފުރަތަމަ މީހާ މަރުވެފައި ވަނީ މިއަދު ހެނދުނު 06:37 ގައި ހުޅުމާލޭ މެޑިކަލް ފެސިލިޓީގައި ފަރުވާދެމުން ދަނިކޮށެވެ. އެއީ އުމުރުން 83 އަހަރުގެ ދިވެހި އަންހެނެކެވެ.
ދެވަނަ މީހާ މަރުވެފައި ވަނީ މިއަދު މެންދުރު ފަހު 3:39 ގައި ދަރުމަވަންތަ ހޮސްޕިޓަލުގެ 11 ވަނަ ފަންގިފިލާގައި ފަރުވާދެމުން ދަނިކޮށެވެ.
މިއާ އެކު މިމަހު މަރުވި މީހުންގެ އަދަދު ވަނީ 88 އަރާފަ އެވެ. އަދި މިހާތަނަށް ކޮވިޑް ޖެހިގެން މަރުވި މީހުންގެ އަދަދު މިވަނީ 161 އަށް އަރާފައެވެ.
