ގަމު ހޮސްޕިޓަލްގެ މެނޭޖަރު އަލީ ނަޝީދު ސީއެންއެމްއަަށް ވިދާޅުވީ މިއަދު ހެނދުނު 10:45 ހާއިރު ކޮވިޑް ފެސިލިޓީގައި ފަރުވާ ދެމުން ދިޔަ އުމުރުން 92 އަހަރުގެ ދިވެހި ފިރިހެނަކު މަރުވެފައިވާ ކަމަށެވެ.
އަލީ ނަޝީދު އިތުރަށް ވިދާޅުވީ މި މީހާ އެ ހޮސްޕިޓަލަށް ގެނެވުނީ މީގެ ދެ ހަފްތާ ކުރިން ހިތުގެ މައްސަލައެއް ކުރިމަތިވެގެން ކަމަށާއި އޭނާ ޕޮޒިޓިވްވިކަން އެނގުނީ ހޮސްޕިޓަލުން ނެގި ސާމްޕަލްއިން ކަމަށެވެ.
މިއީ ކޮވިޑް ޖެހިގެން ލާމު އަތޮޅުން މަރުވި ހަ ވަނަ މީހާއެވެ. މިއީ ކޮވިޑް ޖެހިގެން މިއަދު މަރުވި ދެ ވަނަ މީހާއެވެ. ލ. އަތޮޅުން މިއަދު މަރުވި މީހާއާއެކު ރާއްޖޭއިން ކޮވިޑުގައި މަރުވި މީހުންގެ އަދަދު މިހާރުވަނީ 194އަށް އަރާފަ އެވެ.
ލ. އަތޮޅުގެ ރަށްރަށުގައި ކޮވިޑް ފެތުރިފައިވާއިރު، ގަމުގައި މިވަގުތު ވެސް ބަލި ޖެހިގެން 57 މީހަކަށް އަންނަނީ ފަރުވާދެމުންނެވެ. މިހާތަނަށް އެރަށުން ޖުމްލަ 322 މީހަކު ވަނީ ބައްޔަށް ޕޮޒިޓިވްވެފައެވެ.
