މިކަން ހިނގާފައި ވަނީ ހޮނިހިރު ދުވަހުއެވެ. އަލްޖަޒީރާ އިން ބުނިގޮ ގޮތުގައި ވަކިވަކިން ގޮއްވާލި މި ދެ ވޭނު ވެސް އޮތީ އެއްމަގެއްގައެވެ.
ފުރަތަމަ ގޮއްވާލުމުގެ ސަަބަބުން 6 މީހަކު މަރުވެފައި ވާއިރު އިތުރު 2 މީހަކަށް ބޮޑެތި ޒަހަމްތަކެއް ލިބިފައިވާކަމަށާއި، ދެވަނަ ބޮން ގޮއްވާލީ މުހައްމަދު އަލީ ޖިނާހު ހޮސްޕިޓަލުގެ ކުރިމަތީގައިކަމަށް އެ ގައުމުގެ އިންޓީރިޔާ މިނިސްޓްރީން ބުނެފައިވެއެވެ. ދެވަނަ ހަމަލާގައި އެކަކު މަރުވެ 4 މީހުން ޒަހަމްވެފައި ވާކަމަށް އެ މިނިސްޓްރީން އިތުރަށް ފާހަގަކޮށް ފައިވެއެވެ.
މިކަން ހިނގާފައިވަނީ އަފްގާނިސްތާނު ގެ ހުޅަނގު ކާބުލް ގައި ސީޢާ މުސްލިމުން ގިިނަ ސަރަހައްދެއްގައިއެވެ.
މިކަމުގެ ޒިންމާ އަދި އެއްވެސް ބަޔަކު ނަގާފައި ނުވާއިރު އަފްގާނިސްތާނުގައި ހަމަނުޖެހުން ބޮޑުވެފައިވާ މި ދަނޑިވަޅަކީ ނޭޓޯގެ ސިފައިން އަފްގާނިސްތާނުން ބޭލުމުގެ މަސައްކަތް ކުރަމުންދާ ވަގުތެވެ. ނޭޓޯގެ ސިފައިން އަފްގާނިސްތާނުން ސެޕްޓެމްބަރު 11 ވަނަ ދުވަހުގެ ކުރިން ފައިބަން ޖެހޭނެކަމަށް ހަބަރުތައް ލިބެއެވެ.
އަފްގާނިސްތާނުގެ ބޮޑުބައެއް ވަނީ މިހާރުވެސް ތާލިބާނުންގެ ބާރުގެ ދަށައް ގޮސްފައިއެވެ.
