"ގެދޮރުވެރިޔާ ލޯނު ސްކީމް" ޕްރޮގްރާމް އިފްތިތާޙު ކުރައްވައި، ވާހަކަފުޅު ދައްކަވަމުން ރައީސް ވިދާޅުވީ އެމަނިކުފާނު ރައްޔިތުންނަށް ވެވަޑައިގެންނެވި ވަޢުދާ އެއްގޮތަށް، އެމަނިކްފާނުގެ މި ދައުރު ނިމޭއިރުގައި، ރާއްޖޭގެ ބޯހިޔާވަހިކަން ބޭނުންވެފައިވާ ގިނަ އަދަދެއްގެ ފަރާތްތަކަކަށް އެކަން ފުރިހަމަވެގެން ދާނެ ކަމަށެވެ.
އެހެންކަމުން މާލޭ ސަރަހައްދުގައި 20000 ހައުސިން ޔުނިޓް އެޅުމަކީ އެމަނިކްފާނުގެ ރިޔާސީ ވައުދެކެވެ.
ރައީސް އިބްރާހިމް މުހައްމަދު ސޯލިހް ވިދާޅުވީ އެމަނިކުފާނުގެ ސަރުކާރުގެ ބޯހިޔާވަހިކަމުގެ މަޝްރޫޢަކީ މުޅިރާއްޖޭގެ އެކި ކަންކޮޅުތަކަށް އަމާޒުކޮށްގެން ހިންގާ މަޝްރޫޢެއް ކަމަށެވެ. އަދި ރާއްޖޭގައި އިތުރު ފްލެޓް 7000 ފްލެޓްގެ މަސައްކަތް ފަށަން ވަނީ ތައްޔާރުވެފައި ކަމަށެވެ.
އެހެން ނަމަވެސް ރައީސް ސޯލިހް ވެރިކަމަށް ހަވާލުވެލެއްވިއިރު ވެސް މަސައްކަތް ނިމިފައި ހުރި ހިޔާ ފްލެޓްތައް އަދިވެސް ހަވާލު ކުރެވިފަ އެއް ނުވެއެވެ. އެކަމާއި ގުޅިގެން އާންމުންގެ ވަށް ބޮޑެތި ފާޑުކިޔުން ސަރުކާރަށް ވަނީ އަމާޒުވެފަ އެވެ.