ޒުވާން އެ އަންހެން ކުއްޖާ މަރުވީ ބަނޑަށް ހަތަރު މަސްވެފައިވަނިކޮށް ކުއްލިއަކަށް އިއްޔެ އޭނާގެ ހާލު ދެރަވެގެން އިމެޖެންސީގައި މާލެ ގެނެސް އައިޖީއެމްއެޗުގައި ފަރުވާދެމުންދަނިކޮށެވެ.
އޮމަދޫ ކައުންސިލްގެ ރައީސް އިބްރާހިމް އާދިލް ސީއެންއެމްއަށް ވިދާޅުވީ އިއްޔެ މެންދުރު 12 ޖަހާކަށް ހާއިރު މާބަނޑު މީހާ ހާލު ދެރަވެގެން އޮމަދޫ ސިއްހީ މަރުކަޒަށް ގެންދިޔަކަަމަށެވެ.
"ކުއްލިއަކަށް ހާލު ދެރަވެގެން ސިއްހީ މަރުކަޒަށް ގެންގޮސް ފަރުވާދިން. އޭރުއްސުރެ މާލެ ފޮނުވުމަށްޓަކައި މަޝްވަރާކުރެވުނު. އަތޮޅު ހޮސްޕިޓަލަށް ގެންދިޔުމަށް ނިންމުމަށް ފަހު، މާލެ ފޮނުވައިގެން ފަރުވާ ދިނީ. މާލޭގައި ފަރުވާދެމުންދަނިކޮށް މަރުވީ،" އާދިލް ވިދާޅުވިއެވެ.
މަރުވިއިރު މާބަނޑު އަންހެން މީހާއަށް ފަރުވާ ދެމުން ދިޔައީ އައިޖީއެމްއެޗް ގައެވެ. އޭނާ މަރުވެފައިވަނީ ރޭ ދަންވަރު 12 ޖަހާކަށް ހާއިރު ކަމަށް އާދިލް ވިދާޅުވިއެވެ. އަދި ބޮޑަށް ބެލެވެނީ ފިޓްޖެހިގެން ކަމަށް އާދިލް އިތުރަށް ވިދާޅުވިއެވެ.
މާބަނޑު މީހާ ކޮވިޑަށް ނެގެޓިވް ކަމަށް ވެސް އާދިލް ފާހަގަކުރެއްވިއެވެ.
