
އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑެ) ރައީސް އިބްރާޙީމް މުހައްމަދު ސާލިހަށް ފާޑު ވިދާޅުވީ ހުސްވި ހަފުތާތެރޭ އޮތް، ރައްޔިތުންގެ މަޖިލީހުގެ ޖަލްސާއެއްގައެވެ. އެއީ ގާނޫނުލް އުގޫބާތަށް ސަރުކާރުން ހުށަހެޅި ބިލްގެ ކަންތަކުގައި މަޖިލީސް ހޫނިވި ދުވަހު އެވެ.
އެ ދުވަހު ވައްޑޭވަނީ ސަރުކާރަށް ވަރަށް ބޮޑަށް ފާޑު ވިދާޅުވެ، ރައީސްގެ އިސްތިއުފާއަށް ވެސް ގޮވާފައެވެ. ވައްޑޭ ވިދާޅުވިގޮތުގައި، ސަރުކާރުން ފޮނުވާ ބިލުތައް އެއީ ސަރުކާރުގެ ބިލުކަން ކަނޑައެޅޭނެ އުސޫލެއް މިހާރު ކަނޑައަޅަން ޖެހެ އެވެ.
ވައްޑެގެ ކެމްޕެއިނުގައި ރައީސް އިބޫ
ވައްޑެގެ ވާހަކަތަކާ ގުޅިގެން ސަރުކާރަށް ތާއީދު ކުރާ މަޖިލީސް މެންބަރަކު ސީއެންއެމްއާ ވާހަކަ ދައްކަވަމުންވަނީ ވައްޑެއަށް ވަރަށް ބޮޑަށް ފާޑު ވިދާޅުވެފައެވެ. އަދި ވައްޑެއަށް ހީވަނީ އެންމެ މުހިއްމީ ބާރަށް ވާހަކަ ދެއްކުން ކަމަށް ސަރުކާރު ފަޅީގެ އެ މެންބަރު ވިދާޅުވިއެވެ.
މަޖިލިސް ޗުއްޓީއަށް ދިޔައިރު ސަރުކާރަށް ތާއީދު ކުރާ މަޖިލީހުގެ އެމްޑީޕީ މެންބަރުންނާއި ރައީސް ނަޝީދަށް ތާއީދު ކުރާ އެމްޑީޕީ މެންބަރުންގެ މެދުގައި ބޮޑު ނުތަނަވަސްކަމެއްވަނީ އުފެދިފައެވެ. އެހެންނަމަވެސް މައުލޫމާތު ލިބިފައިވާ ގޮތުގައި މަޖިލީހުގެ ބޮޑު މެޖޯރިޓީއެއް އޮތީ އިބްރާހީމް މުހައްމަދު ސޯލިހަށް ސަޕޯޓްކުރާ ގޮތަށެވެ.