އެ މެސެޖުގައި ޝާހިދު ވިދާޅުވީ އަލިފާނުގެ ހާދިސާގެ ހަބަރު ލިބުމުން ވަރަށް ބޮޑަށް ދެރަވިކަމަށާއި ވަރަށް ބޮޑަށް ސިހުނުކަމުގައެވެ.
މީގެ އިތުރުން އެ މެސެޖުގައި ވާގޮތުން މި ހާދިސާގައި މަރުވި މީހުންގެ އާއިލާތަކަށް ލިބުނު ފުން ހިތާމައާއި، ހާދިސާގެ ސަބަބުން އެކިވަރުގެ ގެއްލުން ލިބުނު ފަރާތްތަކާއެކު ދިވެހިން ތިބިކަމަށާއި ހިތާމައިގައި ބައިވެރިވާ ކަމުގައެވެ.
ލިބުނު ގެއްލުންތަކުން އަވަހަށް އަރައިގަނެވޭނެ ކަމަށާއި އަދި އަނިޔާ ލިބުނު ފަރާތްތަކަށް އަވަސް ޝިފާއެއް ލިބޭނެ ކަމަށް އުންމީދު ކުރައްވާކަމަށް މިނިސްޓަރު ޝާހިދު މިމެސެޖުގައި ވިދާޅުވިއެވެ.
މި ހާދިސާ ހިނގާފައިވަނީ ބަންގްލަދޭޝްގެ ވެރިކަން ކުރާ ރަށް ޑާކާ އާ 25 ކީލޯމީޓަރު އިރަށް އޮންނަ އިންޑަސްޓްރިއަލް ވިލެޖެއްކަމުގައިވާ ރޫޕްގަންޖުގައި ހުންނަ ކާނާ އުފައްދާ ކާރުހާނާއެއްގައެވެ. އަލިފާން ރޯވެފައިވަނީ ބުރާސްފަތި ދުވަހުގެ މެންދުރުކަމަށާއި އެ އަލިފާންގަނޑު ނިއްވާނުލެވި 24 ގަޑިއިރުވިކަމަށް ބަންގްލަދޭޝްގެ ކަމާ ބެހޭ ފަރާތްތަކުން ބުނެއެވެ. މި ހާދިސާގައި 50އަށް ވުރެން ގިނަ މީހުން ވަނީ މަރުވެފައިއެވެ.
