ދ. އަތޮޅު ރިސޯޓެއް- ފޮޓޯ:ސޯޝަލްމީޑިއާ
ދ އަތޮޅު ރިސޯޓަކުން ކުއްޖަކު ގެނބިގެން މަރުވެއްޖެ
ޒިދުނާ ވަހީދު
21 ޖުލައި 2021 - 15:27:13
ދ އަތޮޅުގައި ހިންގާ ރިސޯޓެއްގެ ސްވިމިންޕޫލަށް އެރުނު ކުޑަ ކުއްޖަކު ގެނބިގެން މަރުވެއްޖެ އެވެ.
Advertisement
ފުލުހުން ބުނީ އެ ހާދިސާ ފުލުހުންނަށް ރިޕޯޓްކޮށްފައިވަނީ ރޭގެ 7:56 ގެ ވަގުތެއްގައި ކަމަށެވެ.
އެ ހާދިސާގައި ގެނބުނީ ޗުއްޓީ ހޭދަކުރުމަށް ރާއްޖެއަށް އައި ރަޝިޔާއަށް ނިސްބަތްވާ ކުއްޖެއްކަމަށް ފުލުހުން މައުލޫމާތުދެއެވެ.
އަދި ކުޑަކުއްޖާ މަރުވީ އާއިލާއާއެކު ޕޫލުގައި އުޅެނިކޮށް ދިމާވި ހާދިސާއެއްގައި ކަމަށާއި، ކުއްޖާ އަށް ފަރުވާ ދިނުމަށް ފ.ނިލަންދޫ ސިއްހީ މައުކަޒަށް ގެންދިޔަކަމަށް ފުލުހުން ބުނެއެވެ.
އެހެންނަމަވެސް ހޮސްޕިޓަލަށް ގެންދިޔައިރު ކުއްޖާ އޮތީ މަރުވެފައި ކަމަށް ފުލުހުން މައުލޫމާތުދެއެވެ.
ފުލުހުން ބުނީ މިމައްސަލައާއި ގުޅިގެން ބަލަން ޖެހޭ ކަންކަން އިތުރަށް ބަލައި ތަހުގީގުކުރަމުން ގެންދާކަމަށެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
