މިޔަންމާގެ މީޑިއާތަކުން ބުނާ ގޮތުގައި ކޮވިޑް ކޭސްތައް އިންތިހާއަށް މައްޗަށް ގޮސްފައިވާއިރު ފަރުވާދޭން ތިބި ޑޮކްޓަރުން ހައްޔަރު ކުރަމުން އެބަދެއެވެ. ޑޮކްޓަރުން ހައްޔަރުކުރަނީ މިހާރު އެ ގައުމުގައި އޮތް އަސްކަރީ ސަރުކާރާ ދެކޮޅު ހަދަމުންދާތީ ކަމަށް ބުނެއެވެ.
މިޔަންމާގައި އޮތް ވެރިކަން ބަޣާވާތަކުން އަސްކަރީ ވެރިކަމަކަށް ބަދަލުކޮށްފައިވަނީ އަސްކަރިއްޔާގެ އިސް ލީޑަރުންގެ އިސްނެންގެވުމާ އެއްކޮށެވެ. އަދި ވެރިކަން ބަދަލުކުރި ފަހުން ކޮވިޑް-19 އަށް ކުރަމުން ދާ މަސައްކަތުގައި އެއްވެސް ކަހަލަ ރޭވުމެއް ނެތް ކަމަށް މިޔަންމާގެ ރައްޔިތުން ބުނަމުންއަންނަކަމަށް އެގައުމުގެ މީޑިތާތަކުން ރިޕޯޓްކޮށްފައި ވެއެވެ.
މިހާރުގެ ސަރުކާރުން މިޔަންމާގެ ޑޮކްޓަރުން ދެކެމުންއަންނަނީ ކުށްވެރިންތަކެއްގެ ގޮތުގައިކަމަށް މިޔަންމާގެ ޑޮކްޓަރުން ބުނެއެވެ. އަދި ބަލިމީހަކަށް ފަރުވާއެއްދިނުމަކީ ކުށަކަށް ވެދާނެކަމަށް ދުވަހަކުވެސް ހީނުކުރާކަމަށް މިޔަންމާގެ ޑޮކްޓަރެއް ބުނެފައިވެއެވެ.
މިޔަންމާގެ ސަރުކާރުނަ އަންނަނީ މިކަމާ ގުޅިގެން ކުރެވޭ ތުހުމަތުތައް ދޮގުކުރަމުންނެވެ.
މިޔަންމާގައި މިހާރު ކޮވިޑް ހާލަތު އަންނަނީ ވަރަށް ބޮޑަށް ގޯސްވަމުންނެވެ. އިއްޔެއެކަނިވެސް 5506 މީހަކު ޕޮޒިޓިވްވެފައި ވާއިރު، އެ ގައުމުން އިއްޔެ ކޮވިޑް ބަލީގައި 286 މީހުން ވަނީ މަރުވެފައެވެ.
