ސްޓެލްކޯގެ ޖެނެރަލް މެނޭޖަރު ހުސައިން ފަހުމީ ސީއެންއެމްއަށް ވިދާޅުވީ ކުރީ މަސްމަހާ ޚިލާފަށް މިމަހުގެ ކަރަންޓުބިލުގައި ސަބްސިޑީޒް ހިމެނިފައި ނުވާނެކަމަށާއި، އެހެން ވުމުގެ ސަބަބުން ބިލް ބޮޑުހެން ހީފުޅުވެދާނެ ކަމަށެވެ. އެކުންފުނީގެ ސްޓެޓިސްޓިކުން އާދަޔާ ޚިލާފްކަމެއް ފާހަގަ ކުރެވިފައި ނުވާކަމަށްވެސް ސްޓެލްކޯއިން ބުނެއެވެ.
ދެވަނަސަބަބެއްގެ ގޮތުގައި ފަހުމީ ފާހަގަކުރެއްވީ އިންސްޓޯލްމެންޓަށް ކުރިން އެދިފައިވާ ފަރާތްތަކުގެ އިންސްޓޯލްމެންޓް ޕޭމަންޓް ބިލުގައި ހިމެނިފައި ވުމެވެ.
ސްޓެލްކޯއިން ބުނީ މޮބައިލް އެޕުން ހުރިހާ ތަފްސީލްތަކެއް ފެންނަން ހުންނާނެ ކަމަށެވެ.
މިމަހުގެ ކަރަންޓުބިލާ ބެހޭ ގޮތުން ބައެއް ފަރާތްތަކުން ދަނީ ޝަކުވާ ކުރަމުންނެވެ. އެގޮތުން މާލެ ސިޓީގެ މޭޔަރުވެސް ވަނީ މިކަމުގެ ކަންބޮޑުވުން ފާޅުކޮށްފައެވެ.
"މިމަހުގެ ކަރަންޓު ބިލަކީ މާލޭގެ ގިނަ ރައްޔިތުންނަށް ދެއްކޭވަރަށްވުރެ ބޮޑު ބިލެއް! ޙާލުގައި އުޅެމުންދާ ރައްޔިތުން އިތުރަށް ޙާލުގައި ޖެހޭގޮތް މިވަނީ ވެފައި. ރައްޔިތުން އަތުގައި ނެތް ފައިސާއަކުން ބިލް ދައްކަން މިވަނީ ޖެހިފައި." މާލޭ ސިޓީގެ މޭޔަރު ޑރ މުހައްމަދު މުއިއްޒު
