އަންނަ ހަފުތާގެ އަންގާރަ ދުވަހު މާލޭގައި ކްލަބު އީގަލްސްއާ ބެންގަލޫރު އެފްސީ ކުޅޭ މެޗުގައި ބެންގަލޫރުން އެންމެ ބޮޑު ސަމާލުކަމެއް ދޭނެ އެއް ކުޅުންތެރިޔަކީ ޔަގީނުންވެސް ރާއްޖޭގެ އިތުރުން ދެކުނު އޭޝިޔާ ސަރަހައްދުގައިވެސް އުފެދުނު އެންމެ މޮޅު ކުޅުންތެރިޔާ ކަމަށްވާ އަލީ އަޝްފާގުއެވެ.
އަންނަ ހަފުތާގައި މާލޭގައި ބެންގަލޫރާ ދެކޮޅަށް އީގަލްސް ނުކުންނައިރު އެ މެޗުގެ އެންމެ ބޮޑު ސަމާލުކަމެއް ލިބޭނެ ކުޅުންތެރިއަކަށްވާނީވެސް އަންނަ މަހު އުމުރުން ތިރީސް ހަ އަހަރު ފުރޭ ދަގަނޑޭއެވެ. ސުވާލަކީ، މީގެ ތިން އަހަރު ކުރިން ބެންގަލޫރާ ދެކޮޅަށް ނިއުރޭޑިއަންޓުގެ ޖަރޒީގައި ކުޅުނު އިރު ދެއްކި ޖާދޫ އަދިވެސް ދަގަނޑޭއަށް ދެއްކޭނެތޯއެވެ.
އިންޑިޠާގެ އައިޒޯލް ކޮޅަށް ދަގަނޑޭ ހެޓްރިކް ހެދި މެޗުގެ ތެރެއިން
އަޝްފާގުގެ އިތުރުން އޭރު ނިއުއަށް ކުޅުނު ގިނަ ކުޅުންތެރިންތަކެއް އަންނަ ހަފުތާގައި ބެންގަލޫރު އެފްސީއާ ދެކޮޅަށް ޕްލޭ އޮފް މެޗުގައި އީގަލްސް ޓީމަށް ކުޅޭނެއެވެ. އޭގެ ތެރޭގައި އަކްރަމް އަބްދުލްޣަނީގެ އިތުރުން އަލީ ފާސިރު ހިމެނެއެވެ. ބެންގަލޫރާ އީގަލްސް ކުޅޭ މެޗުން މޮޅުވާ ބަޔަކު އޭއެފްސީ ކަޕުގެ ގްރޫޕް ސްޓޭޖަށް ކޮލިފައިވާނެއެވެ. އެ ގްރޫޕުގައި ހިމެނެނީ އިންޑިޔާގެ ޗެމްޕިއަން އޭޓީކޭ މޯހަން ބަގާންއާ، ބަންގްލަދޭޝްގެ ޗެމްޕިއަން ބަޝަންދުރާ ކިންގްސްގެ އިތުރުން ރާއްޖޭގެ މާޒިޔާއެވެ. މީގެ ތެރެއިން ބަޝަންދުރާގެ ކޯޗަކީ، ދަގަނޑޭ ބެންގަލޫރާ ދެކޮޅަށް އެންމެ ފަހުން ކުޅުނު އިރު ނިއުއަށް އިރުޝާދުދިން ސްޕެއިންގެ އޮސްކާއެވެ.
