ސްޓޭޓް ބޭންކް އޮފް އިންޑިއާ(އެސްބީއައި) އިން ޕާމް ބީޗް ރިސޯޓް ވިއްކާލީ 16.260،275.00 ޑޮލަރަށެވެ.
އެސްބީއައި އިން އެ ރިސޯޓް ވިއްކާލާފައި ވަނީ ރިސޯޓްގެ ތިން އޯނަރުން ހިމެނޭހެން އެ ބޭންކުން ނަގާފައިވާ ލޯނެއް އަދާކޮށްފައިނުވާތީ ލޯނަށްވާ ފައިސާ ހޯދުމުގެ ގޮތުންނެވެ.
ކުރިން އެ ރިސޯޓް ހަދަން އެސްބީއައި އިން ލޯނު ދޫކޮށްފައިވަނީ ގާޑިއަން އެޖެންސީ އަށާއި އެ ރަށުގެ ވެރިފަރާތް ކަމަށްވާ މ. ނޫރީގޭ އިބްރާހިމް އަލިމަނިކުގެ އިތުރުން މ. ވެލިދޫގޭ މުހައްމަދު ނައީމް (މޮނާޒާ ނައީމް) އަދި މ. މާލިމީގޭ ހަދީޖާ ހަސަން އަށެވެ.
ކުރީގެ މާލޭ ސިޓީގެ މޭޔަރު ސަރަނގު އާދަމް މަނިކުގެ ހިއްސާ އޮންނަ ކުންފުންޏަކުން އެ ރިސޯޓް ގަނެފައިވައިރު ރިސޯޓް ގަނެގެން ލިބުނު ފައިސާއިން ދައުލަތަށް ދައްކަން ޖެހޭ 7.530،040.02 ޑޮލަރު މި އަހަރުގެ އޭޕްރީލް މަހުގެ 28 ވަނަ ދުވަހު ބޭންކުން ވަނީ ދައްކާފަ އެވެ.
