އިކޮނޮމިކް މިިނިސްޓްރީން އާންމުކޮށްފައިވާ އާ ގަވައިދުގައި ރަޖިސްޓްރާ އޮފް ބިޒްނަސް އިން ބިޒްނަސް ވިސާގެ ހުއްދާ ދޭއިރު ރަޖިސްޓްރާ އޮފް ބިޒްނަސް ހުއްދަ ދިނުމުން އިތުރު ޝަރުތަކާ ނުލައި އިމިގްރޭޝަނުން ވިސާ ހަމަޖެހިގެންދާނެ ކަމަށް ވަނީ ބުނެފައެވެ.
މި ގަވާއިދުގައި ވަކި ގޮތަކަށް ބަޔާންކޮށްފައި އޮތް ނަމަވެސް، ޤާނޫނު ނަންބަރު 2007/1) ދިވެހިރާއްޖޭގެ އިމިގްރޭޝަން ޤާނޫނު ) ގެ 8 ވަނަ މާއްދާގައި ބަޔާންކޮށްފައިވާ ކަންކަމަށް ރިޢާޔަތްކޮށް، ބިޒްނަސް ވީޒާ ދޫނުކުރުމުގެ އިޚްތިޔާރު، ކޮންޓްރޯލާ އޮފް އިމިގްރޭޝަނަށް ލިބިގެންވާ ކަމަށް ވެސް ގަވައިދުގައި ބުނެފައިވެއެވެ.
މީގެ އިތުރުން ވިޔަފާރީގެ ގުޅުން ބަދަހި ކުރުމަށް އެއްވެސް ގައުމަކާ އެކު ބިޒްނަސް ވިސާ ދޫކުރުމުގައި އަމަލުކުރާނެ އުސޫލެއް ސަރުކާރުން ކަނޑައަޅާފައިވާ ނަމަ އެ އުސޫލުގެ ދަށުން އެއްވެސް ހުރަހެއް ނެތި އަމަލު ކުރެވޭނެ އެވެ.
30-90 ދުވަހާ ދެމެދުގެ މުއްދަތަކަށް ވިސާ ދޫކުރާއިރު ވިސާ ފީގެ ގޮތުގައި 750ރ. އަށް ދައްކަން ޖެހޭނެ އެވެ. އަދި ވިސާ ބާތިލް ކޮށްފިނަމަ ދެން އެދެވޭނީ 5 އަހަރުގެ މުއްދަތަކަށް ފަހުގައެވެ،
ބިޒްނަސް ވިސާ އެޕްލިކޭޝަން ފޯމު ބަލައިގަންނާނީ، ހަމައެކަނި ބިޒްނަސް ޕޯޓަލް މެދުވެރިކޮށެވެ .
