ކޮޅުފުށީ ކައުންސިލުން ބުނީ 9:45 ހާއިރު ސްކޫލް ދަރިވަރުން ގެއަށް ފޮނުވާލާފައި ވާކަމަށެވެ. އެކައުންސިލުން ބުނީ އެނގިފައިވާ ގޮތުގައި އެއީ ސްކޫލް މެނޭޖްމެންޓާއި ޓީޗަރުންނާ ދެމެދު އުފެދިގެން އުޅޭ މައްސަލައެއް ކަމަށާއި އެކަން ހައްލުކުރުމަށް ސްކޫލާއެކު ބައްދަލުވުމަކަށް ދާން ތައްޔާރުވަމުން ގެންދާ ކަމަށެވެ.
"އަޅުގަނޑުމެން އިރުކޮޅަކުން މިދަނީ ސްކޫލަށް އެކަމާބެހޭ ގޮތުން ވާހަކަ ދައްކަން ސްކޫލަށް. މެނޭޖްމެންޓާ ޓީޗަރުންނާ ދެމެދު އޮތް މައްސަލައެއް ކަމަށް ވަނީ" ކޮޅުފުށީ ކައުންސިލް ރައީސް އާދަމް އަލީމް ވިދާޅުވިއެވެ.
އެރަށު ސްކޫލް ޕްރިންސިޕަލް ވިދާޅުވީ ސްކޫލް ބަންދު ކުރީ ނޫން ކަމަށާއި، ދިމާވި މައްސަލައަކާ ގުޅިގެން ސެޝަން ކުރު ކުރީ ކަމަށެވެ. އަދި މެންދުރު ފަހު ސެޝަން ކުރިއަށް ގެންދާނެ ކަމަށް އެސްކޫލުން ބުނެއެވެ.
އެހެންނަމަވެސް އެރަށު ކައުންސިލުން ބުނީ ސްކޫލްދަރިވަރުން މިހާރުވަނީ ގެއަށް ފޮނުވާފައި ކަމަށެވެ.
އެޑިއުކޭޝަން މިނިސްޓްރީން ބުނީ އެފަދަކަމެއް ހިނގައިގެން އުޅޭ ކަމެއް އަދި އެނގިފައި ނުވާ ކަމަށެވެ.
