Advertisement

ފުލުހުން ބުނީ ވީޑިއޯއިން ފެންނަ މީހާއަކީ 2021 ޖުލައި 31 ވަނަ ދުވަހުގެ ވަގުތެއްގައި ގުލްހަޒާރުގޯޅީގައި ޕާކްކޮށްފައިހުރި ސައިކަލެއް ވަގަށް ނަގާފައިވާ މައްސަލައަކާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަށް ހޯދަމުންދާ މީހެއް ކަމަށެވެ. 

ފުލުހުން މިއަދު އާއްމުކުރި މި ކުރު ވީޑީއޯއިން ފެންނަނީ ކަޅުކުލައިގެން އަތްދިގު ޓީޝާޓަކާއި ނޫ ކުލައިގެން ޖިންސެއް ލައިގެން ހުރި ފިރިހެނަކު ޕޭވްމަންޓު މަތިން ހިންގާފައިދާ މަންޒަރެވެ. 

މިމީހާއާ ބެހޭ އެއްވެސް މަޢުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި މިމައްސަލައިގެ އިންސިޑެންޓް ނަންބަރު 485623 ވިދާޅުވެ، އެމައުލޫމާތެއް ހިއްސާކުރެއްވުމަށް ފުލުހުން އެދިފައިވެއެވެ.