ޖުމްލަ 45.1 މިލިއަން ރުފިޔާގެ މި މަޝްރޫއުގެ މައުލޫމާތު ހިއްސާކުރަމުން އެމްޓީސީސީ އިން ބުނީ އެރަށުގެ ބަނދަރު އިތުރުން ބްރިޖް އެޅުމުގެ 91 ޕަސެންޓް ނިމިފައިވާ ކަމަށެވެ.
އާބާދީގައި މަދު މީހުންކޮޅެއް ދިރިއުޅޭ ފެހެންދޫގައި ކުރިއަށް ގެންދާ އެ މަޝްރޫއު އަކީ މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީ އަށް ހަވާލުކޮށްގެން ކުރިއަށްގެންދާ މަޝްރޫއެކެވެ.
އެމްޓީސީސީ އިން ބުނީ އެ މަޝްރޫޢުގެ ދަށުން، 18,500 ކިއުބިކް މީޓަރުގެ އައު ހާބަރ ބޭސިން ފުންކުރުމާއި، 25,000 ކިއުބިކް މީޓަރުގެ ނެރަށް ވަންނަ ސަރަޙައްދު ފުންކުރުން ހިމެނޭ ކަމަށާއި 214 މީޓަރުގެ ސަރަޙައްދެއްގައި އެއްގަމު ތޮށި ލުމަށް ހަމަޖެހިފައިވާ ކަމަަަށެވެ.
އޭގެ އިތުރުން 130 މީޓަރުގެ ސަރަޙައްދެއްގައި ބޭރު ތޮށިލުމާއި، 282 މީޓަރުގެ ސަރަޙައްދެއްގައި ރިވެޓްމަންޓް ޖެހުންމުގެ އިތުރުން މަގުބައްތި އާއި ނެރު ބައްތި ހަރުކުރުމާއި، 558 އަކަ މީޓަރު ސަރަޙައްދެއްގައި ޕޭވްމަންޓް ހެދުން އެ މަަޝްރޫއުގެ ތެރޭގައި ހިމެނޭ ކަމަށެވެ.
