ހަނިމާދޫ ކައުންސިލްގެ ނައިބު ރައީސް ފިރާގު މުހައްމަދު ވިދާޅުވީ ބިން ދީފައިވަނީ ހައުސިން މިނިސްޓަރު ޑރ. މުހައްމަދު މުއިއްޒުގެ މިނިސްޓަރު ކަމުގައި ކަމަށެވެ. އަދި އެމައްސަލަގައި ކައުންސިލަށް އެއްވެސް ލިޔެ ކިއުމެއް ލިބިފައި ނުވާ ކމަށާއި ، ބިމެއް ދީފައިވާ ކަން އެނގުނީ ބިން ލިބުނު ފަރާތުން، އެބިން ހޯދުމަށް އެދި ސިޓީ ފޮނުވި ހިސާބުން ކަމަށެވެ.
"ބިމެއް ދީފައި އޮތް ކަމެއް ކުރީގެ ކައުންސިލަށް ވެސް އެނގިފައިނުވާ ކަމަށް އެކައުންސިލު މެންބަރުންވެސް ބުނަނީ. އެއްވެސް ލިޔެ ކިއުމެއް މިކައުންސިލަށް ލިބިފައެއް ނުވޭ. ކައުންސިލަށް ނޭނގި ދީފައިވާ ބިމެއްމީ،" ފިރާގު ވިދާޅުވިއެވެ.
މިނިސްޓްރީގެ ސިޓީ
މިބިން ދީފައިވަނީ 2015 ވަނަ އަހަރު އޭރުގެ ސަރުކަރުން ހުޅުވާލި ބިންވެރި ކުރުވުމުގެ ޕޮރޮގްރާމްގެ ދަށުން، ބިން މިލްކުކުރުމަށް / ކަނޑައެޅޭ މުއްދަތަކަށް ބިން ގަތުމަށް ( ލީސްހޯލްޑް އުސޫލުން ބިން ދޫކުރުން) ހުޅުވާލި ފުރުސަތުގައެވެ.
ކައުންސިލުން ބުނީ އެމައްސަލާގައި ކައުންސިލުގެ ވިސްނުމަކީ ކޯޓަށް ދިއުންކަމަށެވެ.
ބިން ލިބުނު މީހާ ކައުންސިލަށް ފޮނުވި ސިޓީ
މި ގޮތަށް ދޫކުރެވޭ ބިންތައް އެންމެ ކުރުކޮށްވެސް ދޫ ކުރެވެނީ 35 އަހަރުގެ މުއްދަތަށެވެ. އެ ބިން ހއ. ތަކަންދޫ ރައްޔިތަކަށް ދެވުނުކަން އެފަރާތަށް އަންގާފައި ވަނީ 2016 ވަނަ އަހަރު ޖެނުއަރީ މަހުގެ 28 ވަނަ ދުވަހު މިނިސްޓްރީ އޮފް ހައުސިންގ އެންޑު އިންފްރާސްޓްރަކްޗަރގެ ސިޓީ އަކުންނެވެ.
