މައުސޫމް މިހެން ވިދާޅުވެފައިމިވަނީ، ޖުމްހޫރީ ޕާޓީގެ މިހާރުގެ ރައީސް އަލީ ވަހީދު ބޭރުގައި ހުންނަވައިގެން އޮންލައިންކޮށް ނޫސްވެރިންގެ ބައްދަލްވުމެއް ބާއްވަވަމުން ގެންދަވަނިކޮށް، ޑރ. މައުސޫމް ކުރެެއްވި ޓްވީޓެއްގައެވެ.
އެ ޓްވީޓުގައި ޑރ. މައުސޫމް ވިދާޅުވީ "ޖުމްހޫރީ ޕާޓީގެ ދެން އޮންނަ ގައުމީ ކޮންފަރެންސްގައި ޕާޓީގެ އިންތިހާބު ބާއްވާއިރު ޕާޓީގެ "ރައީސް" ކަމަށް ކުރިމަތިލުމުގެ ވިސްނުމެއް އެބަ ގެންގުޅެން" ކަމަށެވެ.
މިކަމާއި ގުޅިގެން އަލީ ވަހީދާއި ސުވާލުކުރުމުން އަލީ ވަހީދު ވިދާޅުވީ، ޑރ. މައުސޫމަށް އެއްވެސް ރައްދެއް ނުދެއްވާނެ ކަމަށާއި އެއީ އޭނާ ވަރަށް އިހްތިރާމް ކުރައްވާ ބޭފުޅެއް ކަމަށެވެ. އަދި ޖުމްހޫރީ ޕާޓީގެ ނިންމުން އެ ޕާޓީން ނިންމަންވީ ކަމަށާއި، އެކަމަށް އިހުތިރާމު ކުރައްވާނެ ކަަމަށެވެ.
އަލީ ވަހީދު ވިދާޅުވީ ޖުމްހޫރީ ޕާޓީގައި ހުރީ އޮނަރަބަލް ގާސިމް އިބްރާހިމަށް ކުރައްވާ އިހުތިރާމެއްގެ ސަބަބުން ކަމަށެވެ.
އަލީ ވަހީދު ޖުމްހޫރީ ޕާޓީގެ ރައީސް ކަމާއި ހަވާލުވީ 2018 ވަނަ އަހަރުގެ ރިޔާސީ އިންތިހާބު އެ ޕާޓީ ހިމެނޭ ކޯލިޝަންއަކުން އެމްޑީޕީ ވެރިކަން ކާމިޔާބުވުމުން ޔޫކޭގައި ހުންނަވާ ރާއްޖެ ވަޑައިގަތުމަށްފަހުއެވެ. އަދި މިހާރުވެސް އޭނާ ހުރީ ޖުމްހޫރީ ޕާޓީގެ ރައީސް ކަމުގެ މަގާމުގައެވެ.
