އާދިއްތަ ދުވަހުގެ ރޭ ތަޖިކިސްތާނު އަތުން ހަތަރު ލަނޑު ސުން ލަނޑުން ބަލިވެ، ދެ މެޗުން ބައިކޮޅަށް ވަތް ވިހި ލަނޑާއެކު ކޮލިފައިން ނިންމާލީ އެންމެ ލަނޑެއްވެސް ނުޖެހިއެވެ. އާދިއްތަ ދުވަހުގެ ރޭ ހަތަރު ލަނޑު ސުން ލަނޑުން ތަޖިކިސްތާނު އަތުން ބަލިވިއިރު، މިދިޔަ ހަފުތާގައި އަންހެން ޓީމުވަނީ ވިއެޓްނާމް އަތުން ސޯޅަ ލަނޑު ސުން ލަނޑުން ބަލިވެފައެވެ.
މިއީ އަންނަ އަހަރު އިންޑިޔާގައި އޮންނަ އޭޝިއަން ކަޕް އަންހެނުންގެ މުބާރާތުގެ ކޮލިފައިންގައި ރާއްޖޭން ކުޅުނު ދެ މެޗެވެ. ދެ މެޗުވެސް ކުޅުނީ ތަޖަކިސްތާނުގައެވެ. ރާއްޖެއާ ތަޖަކިސްތާނު އަދި ވިއެޓްނާމް ހިމެނޭ ގްރޫޕުގައި ކުރިން އަފްޣާނިސްތާނުވެސް ހިމެނުނު ނަމަވެސް އެ ޓީމުވަނީ މުބާރާތުން ވަކިވެފައެވެ.
އެފްއޭއެމްގެ ޓެކްނިކަލް ޑައިރެކްޓަރ ޑުންގާ
އަންހެން ޓީމުކޮޅަށް ދެ މެޗުން ޖުމްލަ ވިހި ލަނޑު ޖެހިއިރު، އެ ޓީމުންވަނީ މި މެޗުތަކަށް ތައްޔާރުވުމަށް ޔޫއޭއީގައި ކޭމްޕުކޮށް އެގައުމުގައި ދެ މެޗެއްވެސް ކުޅެފައެވެ. އެހެންނަމަވެސް އަންހެން ޓީމު ކޮލިފައިންއަށް ދިޔައިރު ޓީމުގައި ކޯޗެއްވެސް ނެތެވެ. ވަގުތީ ގޮތުން ޓީމާ ހަވާލުވެގެން ތަޖަކިސްތާނަށް ދިޔައީ އެފްއޭއެމްގެ ޓެކްނިކަލް ޑައިރެކްޓަރެވެ. ދެން ޓީމުގައި ހިމެނުނު ކޯޗިން ސްޓާފުންނަކީ ފުޓްބޯޅަ ކުޅުނު ނަމަވެސް ކޯޗިންގެ މާ ބޮޑު ތަޖުރިބާއެއް ނެތް މީހުންނެވެ.
