ހުުޅުމާލޭ ދެވަނަ ފިޔަވަހީގައި ދިރިއުޅޭ ރައްޔިތުންނަށް ދަތުރުފަތުރުކުރުމުގައި މިހާރު ދިމާވަމުން އަންނަ ދަތިތަކަށް ހައްލު ހޯދައިދިނުމަށްޓަކައި ސަރުކާރުން މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންއާއި، ހުޅުމާލެ ޑިވެލޮޕްމަންޓް ކޯޕަރޭޝަންއާއި އަދި އެ ކުންފުންޏާއި އެކު ކުރެވުނު މަޝްވަރާތަކަށްފަހު ކަމަށް އެމްޓީސީސީން ބުނެއެވެ.
މިގޮތުން ހުޅުމާލޭ ފުރަތަމަ ފިޔަވަހީގެ ރައްޔިތުންނަށް ދެމުންދާ ބަހުގެ ހިދުމަތް ފުޅާކޮށް މި ހިދުމަތް ހުޅުމާލޭ ދެވަނަ ފިޔަވަހީ ގެ ރައްޔިތުންނަށްވެސް ދެވޭނެ ގޮތަށް މިހާރުވަނީ ބަސް ރޫޓަށް ބަދަލުގެނެވިފައެވެ .
ބަސް ސްޓޮޕްތައް ގުޅުވައިދޭ ޗާޓް
ހުޅުމާލެ ފޭސް 1 އަދި ފޭސް 2 ގުޅުވައިދޭ މި ބަސް ރޫޓުން ތިރީގައިވާ ބަސް ރޫޓްތަކާއި، ހުޅުމާލެ ފެރީއާއި ގުޅުވައިދޭ ބަސްހުއްޓިތަކަށް ހުއްޓާނެއެވެ. .1 ހުޅުމާލެ – ވެސްޓް ޕާރކް ރޫޓް .2 ހުޅުމާލެ – ކާރނިވަލް ރޫޓް .3 ހުޅުމާލެ – ވީއައިއޭ ބަސް ރޫޓް .4 ހުޅުމާލެ ނެއިބަރހުޑް 1 ،2 އަދި 3 ހުޅުމާލޭ ބަހުގެ ޚިދުމަތުގެ އަގަކީ 5 ރުފިޔާއެވެ.
އެމްޓީސީސީން ބުނީ އެ ކުންފުނީގެ އަމާޒަކީ ގްރޭޓަރ މާލެ ސަރަޙައްދުގައި ދިރިއުޅެމުންދާ ރައްޔިތުންނަށް ފެންވަރު ރަނގަޅު ޚިދުމަތެއް ފޯރުކޮށްދިނުމެވެ. އަދި މި ހިދުމަތް އެކަށީގެންވާ ފެންވަރެއްގައި ދިނުމަށް ބޭނުންވާނެ ބަސްތައް ގެނައުމާއި، އެއާ ގުޅިގެން ކުރަންޖެހޭ މަސައްކަތްތައް މިހާރުވެސް އެކުންފުނިން މިގެންދަނީ ކުރަމުންނެވެ. މި ނޫސްބަޔާނާއެކު ހުޅުމާލެ ފޭސް 1 – ފޭސް 2 އަށް ގުޅުވައިދޭ ބަހުގެ ރޫޓް މެޕާއި އަދި ބަސް ޝެޑިއުލް އެނެކްސް ކުރެވިފައިވާނެ ކަމަށްވެސް އެމްޓީސީސީން ބުނެއެވެ.
