އެމްޖޭއޭގެ ރައީސަކަށް ހަމްދޫން އިންތިހާބު ކުރީ 5 ސެޕްޓެމްބަރު 2020 ގަ އެވެ.
އޭނާ އިސްތުއުފާ ދެއްވާފައިވާކަން ހާމަކޮށް އެމްޖޭއޭ އިން ނެރުނު ބަޔާނެއްގައި ބުނީ، ހަމްދޫން މަގާމުން އިސްތިއުފާ ދިނީ މިއަދު ކަމަށާއި އޭނާ އިސްތިއުފާ ދިނުމުން އެމްޖޭއޭ ހިންގުމުގެ މަސްއޫލިއްޔަތު އަދާކުރާނީ ނައިބު ރައީސް އަލީ ރިފްޝާން ކަމަށެވެ.
ހަމްދޫންގެ އިސްތިއުފާގެ ސިޓީގައި ފާހަގަކޮށްފައިވާ ގޮތުން، އޭނާ އިސްތިއުފާ ދިނީ ވަޒީފާއާއި އަމިއްލަ ދިރިއުޅުމުގެ ކަންކަން ހުރި ގޮތުގެ ސަބަބުން މަގާމުގެ މަސްއޫލިއްޔަތުތައް އަދާކުރުމަށް އެކަށީގެންވާ ވަގުތު ދެވެން ނެތުމުންނެވެ.
އެމްޖޭއޭ އިން ބުނީ ހަމްދޫންގެ ރައީސްކަމުގެ އަހަރެއްހާ ދުވަހުގެ ތެރޭގައި އެމްޖޭއޭގެ ހިންގުން ހަރުދަނާކޮށް، އަސާސީ ގަވާއިދު އިސްލާހުކުރުމުގެ މަސައްކަތާއެކު، ނޫސްވެރިކަން ކުރިއެރުވުމަށް އެ ޖަމްއިއްޔާ އިން ކުރިން ހިންގިފައިނުވާ ވަރުގެ ގިނަ ޕްރޮގްރާމްތަކެއް ހިންގާފައިވާ ކަމަށެވެ.
