މި މުބާރާތަކީ ނޮޅިވަރަމް ކައުންސިލްގެ ހަތަރު ވަނަ ދައުރުގެ ފުރަތަމަ ގުރުއާން މުބާރާތެވެ. ޖުމްލަ 87 ދަރިވަރުނާއެކު ކުރިއަށްދާ މި މުބާރާތް ފަށައިފައިވަނީ އިއްޔެ މެންދުރު 14:00 ގައެވެ. ދެ ދުވަހުގެ މުއްދަތައް ކުރިއަށްދާ މި މުބާރާތް މިއަދު ނިމިގެންދާނެ ކަމަށް ނޮޅިވަރަމު ކައުންސިލުން ބުންޏެ އެވެ.
ނޮޅިވަރަމް ކައުންސިލް ގުރުއާން މުބާރާތް ބަހާލެވިފައިވަނީ ހަ އުމުރު ފުރަޔަކަށެވެ. އަދި ކިޔެވުމަށް ވަނީ ތިން ގޮފި އުފައްދާފައެވެ. އެގޮތުން، ބަލައިގެން ކިޔެވުމުގެ ގޮތްޕާއި، ނުބަލާ ކިޔެވުމުގެ ގޮފީގެ އިތުރުން، ހާއްސަ އެހީއަށް ބޭނުންވާ ކުދިންނަށް ހާއްސަކުރެވިގެން އަލަށް އުފައްދާފައިވާ "ވިދާތަރި" ގޮފި ހިމެނެއެވެ.
ދެހާސް ނަވާރަ ވަނަ އަހަރު ބޭއްވި ހދ.އަތޮޅު ޤުރުއާން މުބާރާތުގެ އެއް ވަނަ ހޯދާފައިވަނީ، ހދ.ނޮޅިވަރަމުންނެވެ. އެ މުބާރާތުގެ ދެވަނަ ހޯދާފައިވަނީ ހދ. މަކުނުދޫއެވެ. އަދި ތިން ވަނަ ލިބުނީ ކުރިން މިމުބާރާތުގެ 1 ވަނަ ވިދިވިގެން 3 ފަހަރު ހޯދައި ތަށި މިލްކުކޮށްފައިވާ ވައިކަރަދޫއަށެވެ.
