ހއ. ކެލާގައި ކުރިއަށްދިޔަ އެންޒެޑް އެމާ ކެލާ އިންވިޓޭޝަނަލް އަންހެން ވޮލީ މުބާރާތުގެ ޗެމްޕިއަންކަން "ސިއްސުވާލި" ހޯދީ ފައިނަލް މެޗުގައި ކެލަވަކި ޓީމާ ވާދަކޮށް ސީދާ ތިން ސެޓުންނެވެ.
ޖުމްލަ ފަސް ޓީމު ވާދަކުރި މި މުބާރާތުގެ ލީގު ބުރުގައި ސިއްސުވާލި އަދި ކެލަވަތި ވާދަކުރި މެޗުވެސް ކާމިޔާބުކޮށްފައިވަނީ ސިއްސުވާލި ޓީމެވެ. މުބާރާތުގައި ވާދަކުރި ފަސް ޓީމުގެ ތެރޭގައި ހިމެނެނީ ކެލައަށް ނިސްބަތްވާ ހަތަރު ޓީމާ ވަށަފަރު ޓީމެކެވެ.
މުބާރާތުގެ އެންމެ މޮޅު ހަ ކުޅުންތެރިންނަށް ހޮވުނީ، ފައިނަލް މެޗުގެ މޮޅު ކުޅުންތެރިޔަކަށް ހޮވުނު ތޮހޫރާގެ އިތުރުން ސިއްސުވާލި ޓީމުގެ ޚަދީޖާ މައުރިފާ، ސާނިޔާ ގާސިމް، އަދި ކެލަވަކި ޓީމުގެ ޝަހުމީލާ އަބްދުލް ހަކީމާ، ފާތިމަތު ޝަރުމީލާ އަދި މުޅިފޯ ޓީމުގެ އައިޝަތު އިބާދާއެވެ. މުބާރާތުގެ އެންމެ މޮޅު ކޯޗަކަށް ހޮވުނީ ޝަމީން ސައީދުއެވެ.
މުބާރާތުގެ މޮޅުކުޅުންތެރިޔާ
މި މުބާރާތަކީ ކެލާ އެމާ 2 އަދި އެންޒެޑުގެ ފަރާތުން އިންތިޒާމްކުރި މުބާރާތެކެވެ.
