ގައުމީ ޒުވާނުންގެ ދުވަސް 2021އާއި ގުޅިގެން ނެޝަނަލް ބިއުރޯ އޮފް ސްޓެޓިސްޓިކް(އެންބީއެސް) އިން އާއްމުކުރި ސާވޭއިން ދައްކާގޮތުގައި ރާއްޖޭގެ ޒުވާނުންގެ އާބާދީގެ ގޮތުގައި ބަލާ 18 އަހަރާއި 35 އަހަރާއި ދެމެދު ޒުވާނުންގެ އާބާދީ އުޅެނީ ޖުމްލަ 257،215 ގައެވެ.
މީގެ ތެރެއިން އެންމެ ބޮޑު އިންސައްތައެއް ހިއްސާކުރަނީ ފިރިހެނުންނެވެ. އެގޮތުން ޒުވާނުންގެ އާބާދީގެ ފިރިހެނުންގެ އަދަދު 188.092ގައި އުޅޭއިރު ޒުވާން އަންހެނުންގެ އަދަދަކީ 69،123 އެވެ.
ނަމަވެސް ވަޒީފާއެއް ނެތް އަދި ތައުލީމުވެސް ހާސިލުކުރަމުން ނުދާ ޒުވާނުންގެ އާބާދީގެ ބޮޑު އިންސައްތައެއް އުޅެނީ އަންހެނުން ގެއެވެ.
އެގޮތުން ރާއްޖޭގެ 41 އިންސައްތަ އަންހެނުންނަކީ ވަޒީފާއެއް އަދާނުކުރާ އަދި ތައުލީމްވެސް ހާސިލުކުރަމުން ނުދާ މީހުންނެވެ. މި އަދަދު ފިރިހެނުންގެ އުޅެނީ 15 އިންސައްތާގައެވެ.
މިކަން މިހެން ވަނީ އަންހެނުން ގިނަވަގުތު ގޭތެރޭގެ މަސައްކަތްތަކުގައި އާއި އާއިލާގެ ހިދުމަތުގައި ހޭދަކުރާތީ ކަމަށް ސްޓެސްޓިކުން ބުނެއެވެ.
ތައުލީމު އަދި ވަޒީފާގެ އިތުރުން އެއްވެސް ތަމްރީންއެއް ހާސިލުކުރަމުން ނުދާ ޒުވާނުންގެ ތެރެއިން އަންހެނުންގެ ބޮޑު އިންސައްތައެއް އުޅޭއިރު ސްޓެޓިސްޓިކްސް މޯލްޑިވްސް އިން މިދިޔަ އަހަރު އޮގަސްޓް މަހު އާއްމުކޮަށްފައިވާ ތަފާސްހިސާބުތަކަށް ބަލާއިރު ތައުލީމް ހާސިލްކުރުމަށްފަހު ވެސް ވަޒީފާތަކަށް ނިކުންނަ އަންހެނުންގެ އަދަދު އުޅެނީ ފިރިހެނުންނަށް ވުރެ ތިރީގަ އެވެ.
އެގޮތުން އުމުރުން 15-24 އަހަރާއި ދެމެދުގެ ޒުވާން އަންހެނުންގެ ތެރެއިން 24 ޕަސެންޓް އަންހެނުންނަކީ ވަޒީފާތަކަށް ނުދާ ޒުވާނުންނެވެ. އުމުރުން 22 އަހަރުގެ ވަޒީފާތަކަށް ނުދާ ދެ ޖިންސުގެ 29 ޕަސެންޓް ޒުވާނުން އުޅޭއިރު އެއުމުރު ފުރާގެ ގިނަ އަންހެނުން އުޅެނީ ގޭގެ އެކި މަސައްކަތްތަކާއި އާއިލާ ބެލެހެއްޓުމުގައިކަމަަށް ވެސް އެ ތަފާސްހިސާބްތަކުން ދައްކަ އެވެ.
