ފިރިމީހާ އާއި ކުޑަ ދަރިފުޅާއެކު ރާއްޖޭގައި ދިރިއުޅެމުން އަންނަ މޭރީ ގްރޭސް ޕިނޭޑާ ވާގަސް މަރުވެފައި ހުއްޓާ ފެނުނީ މިދިޔަ އަންގާރަ ދުވަހުއެވެ.
ފިލިޕީންސް އަށް ނިސްބަތްވާ އެ ޒުވާން އަންހެން މީހާ މަރުވެފައިވަނީ ދަން ޖެހިގެން ކަމަށް ރިޕޯޓްކޮށްފައިވީ ނަމަވެސް އެ މަރުގައި ގޮތް ނޭންގޭ ކަންތައްތަކެއްވާތީ އިތުރަަށް އެ މައްސަލަ ބަލައި ތަހިގީގު ކުރުމަށް ފުލުހުން ވަނީ ފަށައިފައެވެ.
އޭނާ ދަންނަ ބައެއް މީހުން ބުނެފައިވަނީ ގްރޭސްގެ ހަށިގަނޑަށް ހަމަލާތަކެއް ދީފައިވާ ކަމުގެ ވާހަކަތަކެއް ވެސް އަޑު އިވިފައިވާ ކަމަށެވެ.
އައިޖީއެމްއެޗުގެ ހީމޯޑަޔަލެސިސް ނަރުހެއްގެ ގޮތުގައި މަސައްކަތް ކުރި ގްރޭސްގެ މަރުގެ ހަބަރު ލިބުނީ ލިބުނު ހުސް ވަގުތުގައި ގެެޔަށް ދިފަ ފަހުން ކަމަށް އޭނާ ދަންނަ މީހުން ބުނެއެވެ.
އޭނާގެ ފިރިމީހާ އަކީ ވެސް އެ ހޮސްޕިޓަލްގައި މަސައްކަތް ކުރަމުން އަންނަ މީހެކެވެ. 2016 ވަނަ އަހަރު ކައިވެނިކޮށް ވަޒީފާ ރާއްޖޭގައި އަދާ ކުރަމުން އައި ގްރޭސް ގެ މަރާއެކު އޭނާ އާއެކު މަސައްކަތްކުރާ މީހުން ތިބީ ކުއްލި ސިހުމެއްގައެވެ.
