އޭނާ އަށް ދައުވާ ކުރަނީ ވިލިމާލޭގައި ހުންނަ ކުޑަކުދިންގެ ހިޔާއާ ގުޅޭ މައްސަލައެއްގަ އެވެ. އެހެން ނަމަވެސް އެމައްސަލައިގެ ތަފްސީލެއް ހާމަކޮށްފައެއް ނުވެއެވެ.
ޕީޖީ އޮފީހުން ބުނީ ދައުވާ ކުރަނީ ހިއުމަން ރައިޓްސް ކޮމިޝަން (އެޗްއާރުސީއެމް) އިން ތަހުގީގު ކޮށް އެކިމިޝަނުން ހުށަހަޅާފައިވާ މައްސަލައެއްގައި ކަމަށެވެ.
ޕީޖީ އޮފީހުން ބުނީ ފުލުހުންނާއި ޖެންޑާ މިނިސްޓްރީ އާއި ދައުލަތުގެ ބައެއް މުއައްސަސާތަކުގެ މުވައްޒަފުންނާއި، އިސްވެރިންނަށް ދައުވާ ކޮށްދިނުމަށް އެދި އެ ކޮމިޝަނުން ހުށަހަޅާފައިވާ ކަމަށެވެ.
ސީއެންއެމްއަށް އެނގިފައިވާ ގޮތުގައި ދައުލަތުގެ އޭރުގެ އިސް ބައެއް ބޭފުޅުންގެ މައްޗަށް ދައުވާކުރަނީ ކުރީގެ ރައީސް އަބްދުﷲ ޔާމީންގެ ވެރިކަމުގައި ކުޑަކުދިންގެ ހިޔާގައި ހިނގި ހަމަނުޖެހުމަކާ ގުޅިގެން އަމްލު ކޮށްފައިވާ ގޮތުންނެވެ. އެގޮތުން އެކަމުގައި ބައިވެރިވި ބައެއް ކުދިން ފުލުހުންގެ ބެލުމުގެ ދަށަށް ގެންދިޔައިރު ގާނޫނީ ގޮތުން ފުރިހަމަ ކުރަންޖެހޭ ކަންކަން ފުރިހަމަކޮށްފައި ނުވާކަން އެނގިފައި ވެއެވެ. އަދި ބައެއްް ކުދިންނަށް ޖިސްމާނީ ގޮތުން އަނިޔާވެފައިވާ މައްސަލަތަކެއް ވެސް ތަހުގީގައި ފާހަގަކުރެވިފައިވާ ކަމަށް ވެއެވެ.
އެނގިފައިވާ ގޮތުގައި ކުޑަކުދިންގެ ހިޔާގެ މައްސަލައާ ގުޅޭގޮތުން ދައުވާ ކޮށްދިނުމަށް އެޗްއާރު ސީއެމް އިން އެދިފައިވާ މީހުންގެ ތެރޭގައި ޒެނީޝާ ހިމެނެ އެވެ. ގިނަ ބައެއްގެ މައްޗަށް އެމައްސަލައިގައި ތުހުމަތު ކުރެވޭ ކަމަށް ޕީޖީ އޮފީހުން ބުނި ނަމަވެސް އެކަމުގެ ތަފްސީލެއް އެއޮފީހުން ނުދެއެވެ.
ޕީޖީ އޮފީހުން ވިދާޅުވީ އެމައްސަލައިގައި އަންނަހަފްތާގައި ގޮތެއް ނިންމުމަށް މަސައްކަތް ކުރަމުން އަންނަ ކަމަށާއި، އެޗްއާރުސީއެމްއާއެކު މަޝްވަރާ ކުރަމުން ގެންދާކަމަށެވެ.
