ޒެނީޝާ މިހެން ވިދާޅުވީ އޭނާއާ ދެކޮޅަށް ދައުވާ ކުރުމަށް ހިއުމަންރައިޓްސް ކޮމިޝަން (އެޗްއާރުސީއެމް) އިން ޕްރޮސެކިއުޓާ އޮފީހަށް ފޮނުވާފައި ވަނިށެވެ. އޭނާ އަށް ދައުވާ ކުރަނީ ވިލިމާލޭގައި ހުންނަ ކުޑަކުދިންގެ ހިޔާއާ ގުޅޭ މައްސަލައެއްގަ އެވެ. އެހެން ނަމަވެސް އެމައްސަލައިގެ ތަފްސީލެއް ޕީޖީން ހާމަކޮށްފައެއް ނުވެއެވެ.
ޒެނީޝާގެ ފަރާތުން މިއަދު ނެރެފައިވަ ނޫސްބަޔާނެއްގައި ބުނެފައިވަނީ މިއަދު ދިވެހިރާއްޖޭގެ ޚަބަރުފަތުރާ ބައެއް ވަޞީލަތްތަކުން އޭނާއާ ގުޅޭގޮތުން ޢާއްމުކޮށް ޝާއިޢުކޮށްފައިވާ މަޢުލޫމާތުގައި ޙަޤީޤަތާ ކަނޑައެޅިގެން ޚިލާފު ބައެއް މަޢުލޫމާތު ހިމެނޭ ކަމަށާއި، އެހެންކަމުން އެކަން ސަމާލު ކަމަށް ގެންނަ ކަމަށެވެ.
އޭގެ އިތުރުން ބުނެފައިވަނީ ޖިނާއީ ކުށުގެ އެއްވެސް ޢަމަލެއް އޭނާ ހިންގާފައި ނުވާނެ ކަމަށެވެ. އަދި އެފަދަ އެއްވެސް ޢަމަލެއްގައި ބައިވެރިވެފައި ވެސް ނުވާނެކަމުގެ ފުރިހަމަ ޔަޤީންކަން އެންމެހައި ފަރާތްތަކަށް އަރުވާކަމަށެވެ. އޭނާއާމެދު ތުހުމަތުކުރެވޭ ކަމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސްއިން ވިދާޅުވާ އެ މައްސަލައަކީ ޒާތީ ތަޢައްޞުބުން އުފަންވެފައިވާ، ޞައްޙަނޫން އަސާސްތަކެއްގެ މައްޗަށް ބިނާވެފައިވާ، ރަސްމީ ޙައިޞިއްޔަތުގެ ނަހަމަ ބޭނުން ހިފައިގެން ހިންގުވާފައިވާ، އަދި ޤާނޫނީ ހަމަތަކާ ކަނޑައެޅިގެން ޚިލާފަށް ހިންގާފައިވާ ޙަރަކާތެއްކަން މާތް الله ގެ ވާގިފުޅާއެކު ސާބިތު ވެގެންދާނެކަމާމެދު އެއްވެސް ޝައްކެއް ނުކުރާ ކަމަށް ޒެނީޝާގެ ނޫސްބަޔާނުގައި ބުނެފައި ވެއެވެ.
"ޖިނާއީ އެއްވެސް ކުށެއްގެ ތުހުމަތުން އަޅުގަނޑު ބަރީޢަވެ، އަޅުގަނޑުގެ މައުސޫމުކަން ތަކުރާރުކުރާ ޙާލު، މި މައްސަލާގައި އަޅުގަނޑުގެ ފަރާތުން އިތުރު މަޢުލޫމާތެއް ޙިއްޞާކުރާނީ އަޅުގަނޑުގެ ޤާނޫނީ ވަކީލުންގެ ގޮތުގައި ޢައްޔަނުކޮށްފައިވާ ޕްރިމިއަރ ޗެމްބަރޒް އެލް.އެލް.ޕީ މެދުވެރިކޮށް ކަމުގައި ދަންނަވަމެވެ. ޖިނާއީ އެއްވެސް ކުށެއްގެ ތުހުމަ ތުން ބަރީޢަވެ، ޖިނާއީ އެއްވެސް ކުށެއް އަޅުގަނޑު ނުކުރާކަން ތަކުރާރުކުރާ ޙާލު، މި މައްސަލާގައި އަޅުގަނޑުގެ ފަރާތުން އިތުރު މަޢުލޫމާތެއް ޙިއްޞާކުރާނީ އަޅުގަނޑުގެ ޤާނޫނީ ވަކީލުންގެ ގޮތުގައި ޢައްޔަނުކޮށްފައިވާ ޕްރިމިއަރ ޗެމްބަރޒް އެލް.އެލް.ޕީ މެދުވެރިކޮށް ކަމުގައި ދަންނަވަމެވެ." މިއަދު ޒެނީޝާ ނެރުއްވާފައިވާ ނޫސްބަޔާނުގައި ވެއެވެ.
ޕީޖީ އޮފީހުން ބުނީ ފުލުހުންނާއި ޖެންޑާ މިނިސްޓްރީ އާއި ދައުލަތުގެ ބައެއް މުއައްސަސާތަކުގެ މުވައްޒަފުންނާއި، އިސްވެރިންނަށް ދައުވާ ކޮށްދިނުމަށް އެދި އެޗްއާރުސީއެމް އިން ހުށަހަޅާފައިވާ ކަމަށެވެ.
