ގއ.ގެމަނަފުށި އަންހެނުންގެ ތަރައްގީއަށް މަސައްކަތް ކުރާކޮމެޓީއާއި މަސްވެރިންގެ ޖަމިއްޔާ ގުޅިގެން މަހުގެ އުފެއްދުންތައް ، ކޮލެޓީ ރަނގަޅު ޕެކިން އެއްގައި ތައްޔާރުކޮށް، އުފެއްދޭނެ މީހުން ޓްރޭން ކުރަަން ނިމާފައިވަނީ މިމަހުގެ ފަހުކޮޅުގައެވެ.
އެރަށު މަސްވެރިންގެ ޖަމިއްޔާއިންވަނީ މި ތަމްރީން ކުރާ މީހުންނަށް ފުރުސަތު ފަހި ކޮށްދިނުމުގެ ގޮތުން ތަމްރީނަށް ފަހު މަސްވެރިކަން ފުޅާ ކުރުމަށް ބޭނުންވާ ސާމާނު ފޯރުކޮށްދޭ ގޮތަށް ނިންމާފައެވެ.
ގެމަނަފުށިީ ޑަބްލިއުޑީސީގެ ރައީސާ ފަރުޒާނާ ސީ އެން އެމް އަށް ވިދާޅުވީ، މަހުގެ އުފެއްދުން ތަށް ، ކޮލެޓީ ރަނގަޅު ޕެކިން އެއްގައި ތައްޔާރުކޮށް ، އުފެއްދޭނެ ބަޔަކު ގެމަނަފުށިން، ތަމްރީން ކުރަން ބޭނުންވާ ކަމަށެއެވެ.
"އެގޮތުން މަސްވެރިންގެ ދުވަހާއި ގުޅުވައިގެން، ތަފާތުކަމެއް ކުރަން ބޭނުންވާތީވެ، މަހުގެ އުފެއްދުން ތައް ، ކޮލިޓީ ރަނގަޅު ޕެކިން އެއްގައި ތައްޔާރުކޮށް، އުފެއްދޭނެ ބަޔަކު ގެމަނަފުށިން، ޓްރޭން ކުރަން ވަނީ ނިންމާފައި. ގްރޭޑް 10 އެއް ނިމާފައިވެސް އަދި އެހެން ނޫނަސް ތިބޭނެ މަސައްކަތެއްނުލިބި ތިބޭ ފަރާތްތަށް. އެފަދަ މީހުންނަށް ފުރުސަތު ހޯދައިދިނުމުގެ ގޮތުން ކުރާ ކަމެއްމީ " ފަރުޒާނާ ވިދާޅުވިއެވެ.
އަދި މަހުގެ އުފެއްދުން ތައް ، ކޮލިޓީ ރަނގަޅު ޕެކިން އެއްގައި ތައްޔާރުކޮށް ، އުފެއްދޭނެ ބަޔަކު ގެމަނަފުށިން، ތަމްރީން ވުމަށްފަހު، އޭގެ ތެރެއިން ހޮވާލެވޭ މިހަކަށް މަސައްކަތް ފުޅާކުރުމަށާއި މަސައްކަތަށް ބޭނުންވާ ސާމާނު ގެމަނަފުށި މަސްވެރިންގެ ޖަމިއްޔާގެ އެހީއާ އެކު ފޯރުކޮށްދޭނެ ކަމަށް ފަރުޒާނާ ވިދާޅުވިއެވެ.
