ފުލުހުންގެ އިދާރާއިން މިކަމާއި ގުޅިގެން ބުނީ، އެމީހާ ދޫކޮށްލާފައި ވަނީ، އެމީހާގެ ހާލަތު އިތުރަށް ގޯސްވެދާނެ ކަމަށް ޑޮކްޓަރުން ލަފާ ދިނުމާއި ގުޅިގެން ކަމަށެވެ. އަދި އެމީހާ ބަންދު ކުރި ދުވަހު ދޫކޮށްލާފައި ވާކަމަށްވެސް ފުލުހުން ވަނީ ބުނެފައެވެ.
އުމުރުން 46 އަހަރުގެ މި މީހާ ވަނީ އެ މިސްކިތުގެ އިތުރުން އައްޑޫގެ އެހެން ބައެއް މިސްކިތްތަކުގައި ހުރި ހަތިމުތަކަށް ގެއްލުންވެސް ދީފައެވެ. އަދި މިކަން އޭނާ ކުރީ އެވަގުތު "ޝައިތޯނާ" އޭނާ އަށް އެކަން ކުރުމަށް އެންގުމުން ކަމަށްވެސް އެމީހާ ބުނެފައި ވާކަމަށް އެރަށުން މައުލޫމާތު ދިން މީހަކު ވަނީ ބުނެފައެވެ.
މީގެ ދުވަސްކޮޅެއް ކުރިން މާލޭގައި ހުންނަ އިސްލާމީ މަރުކަޒުގެ އިތުރުން ހުކުރު މިސްކިތަށްވެސް މީހަކު ވަނީ ކުޑަކަމު ގޮސްފައެވެ. މިކަމާއި ގުޅިގެން ފުލުހުން ފުރަތަމަ ބުނީ، އެމީހާ އަކީ ސިކުނޑީގެ މައްސަލަތަކެއް ހުންނަ މީހެއް ކަމަށެވެ.
މިސްކިތްތަކުގެ ހުރުމަށް ކަނޑާ، އިސްލާމް ދީނަށް ފުރައްސާރަ ކުރާ މައްސަލަތައް ފަހަކަށް އައިސް އިތުރުވަމުން އަަންނަ އިރު، އެކަމާއި މެދު އެކަށީގެންވާ ފިޔަވަޅުތަކެއް އަޅަމުން ނުދާ ކަމަށްބުނެ، ގިނަ ބަޔަކު އަންނަނީ، ނުރުހުން ފާޅު ކުރަމުންނެވެ.
