މިހާދިސާގައި އެއްވެސް މީހަކަށް ގެއްލުމެއް ލިބިފައިނުވެއެވެ.
މިލަދޫ މުޝްތަރީގެ ރޭދަންވަރު 1:45 އެހާކަށްހާއިރު ރޯވެ އަދާ ހުލިވެފައިވާ ކަމަށް އެރަށު ކައުންސިލުންވަނީ ސީއެންއެމްއަށް ކަށަވަރު ކޮށްދީފައެވެ.
މިލަދޫ ކައުންސިލް ރައީސް އަބްދުލް މަޖީދު މުހައްމަދު ސީ އެން އެމް އަށް ވިދާޅުވީ، މުޝްތަރީގޭގައި އަލިފާން ރޯވެ، އަނދައި ހުލިވިއިރު އެގޭގެ މީހުން ވަނީ މާލޭގައި ކަމަށެވެ.
"މީގެ ދެދުވަސް ކުރިން އެގޭމީހުން މާލެ ގޮސްވީ. ގޭގައި އެއްވެސް މީހަކު ނޫޅޭ. ގާތްގަނޑަކަށް ހަތްމީހުން ދިރިއުޅޭ އެގޭގައި ސްކޫލް ކުދިންވެސް އުޅޭ. މިއީ ބަޔަކު ކޮށްފައިވާ ކަމެއްކަމަށް ލަފާކުރެވެނީ." މަޖީދު ވިދާޅުވިއެވެ.
މަޖީދު ވިދާޅުވީ އަވަށްޓެރި ގެއެއްގެ ބަޔަކު އެގެއިން ދުން އަރާތީވެ ގުޅާފައި ބުނުމުން، ބަލާލަން ދިޔައިރު މުޅި ގެ އޮތީ ރޯވެފައި ކަމަށެވެ. އަލިފާން ނިއްވުމުގެ މަސައްކަތް ކޮށް ނިއްވާލެވުނު އިރު ގެ ވަނީ އެއްކޮށް އަދާ ހުލި ވެފައި ކަމަށްވެސް ކައުންސިލް ރައީސް ވިދާޅުވިއެވެ.
މިހާދިސާ ގައި އެއްވެސް މީހަކަށް ގެއްލުން ވެފައި ނުވި ނަމަވެސް، ސޮނެވާ ޖާނީގެ އެހީތެރިކަމާއެކު އަލިފާން ނިއްވާލައިފައިވަނީ ރޭ ފަތިހު 5:00 އެހާކަށް ހާއިރު ކަމަށް ކައުންސިލުން ބުނެއެވެ.
