ރޭ ދަންވަރު ހދ. ނޮޅިވަރަމުގައި ހިނގި އަލިފާނުގެ އެ ހާދިސާގައި އެއްވެސް މީހަކަށް ގެއްލުމެއް ލިބިފައި ނުވެއެވެ.
ނޮޅިވަމަ ބަނދަރުގައި ހަދާފައިވާ ކެފޭ އަނދާ ހުލިވެފައިވާ ކަމަށް ކައުންސިލަށް މައުލޫމާތު ލިބިފައިވަނީ ރޭ ފަތިހު 4:30 އެހާކަށް ހާއިރުއެވެ.
ކައުންސިލް ރައީސް ޔޫސުފް މޫސާ ސީ އެން އެމް އަށް ވިދާޅުވީ، ކެފޭ އަކީ ކައުންސިލުން އާއްމު ރަށްޔިތަކަށް ކުށްޔަށް ދީފައިވާ ބިމެއްގައި، ބަނދަރު ކެފޭ އެއްގެ ގޮތުގައި ހަދާފައިވާ ތަނެއް ކަމަށެވެ.
" 12:30 އެހާކަށްހާއިރު އެތާނގައި އުޅެފައި އަޅުގަނޑު ގެއަށް އައީ. އޭރު އެއްވެސް މައްސަލައެއް އުޅޭކަމަށް ފާހަގައެއް ނުވޭ. އެތަނުގައި އަލިފާނުގެ ހާދިސާ އެއް އުޅޭކަމަށް މައުލޫމާތު ލިބިގެން ބަލާލަން ދިޔައިރު އެއްކޮށް އަނދާ ހުލިވެފައި އެތަން އޮތީ. އެއްވެސް އެއްޗެއް ބޭނުން ނުކުރެވޭވަރަށް ހަލާކުވެފައިވަނީ،" ޔޫސުފް ވިދާޅުވިއެވެ.
ރައީސް ވިދާޅުވީ ދެހާހެއްހާ މީހުންގެ އާބާދީއެއް އޮތް އެ ރަށު ބަނދަރުމަތީގައި ހިންގާ ކެފޭ އަނދާހުލުވި އިރު އެ ތަނުގެ ގެއްލުން ގާތްގަނޑަކަށް 6،0000 ރުފިއާ އަށް އަރާނެ ކަމަށެވެ.
ނޮޅިވަރަމް ކެފޭ އަނދާ ހުލުވި އިރު ރޭގެ ދަންވަރު ވަގުތެއްގައި ނ. މިލަދޫ ގެއެއްގައި އަލިފާން ރޯވެ އެ ގޭ ވަނީ އަނދާ ހުލިވެފަ އެވެ.
