މައުލޫމާތު ލިބިފައިވާ ގޮތުގައި މި އަންހެން މީހާ ވަނީ އެރަށުގައި ހުރި ބައެއް ވެހިކަލް ތަކުގެ އިތުރުން، ކެފޭ ތަކަކަށްވެސް ގެއްލުން ދީފައެވެ.
މީގެ އިތުރުން އޭނާ މާތްﷲ އަށް ބަދުބަސްބުނެ އާއްމު ތަންތާ އެކި މީހުންނާއި ހަޑިހުތުރު ބަހުން ޒުވާބު ކުރާކަމުގެ މައްސަލަވެސް ވަނީ ފެންމަތިވެފައެވެ.
މިކަމާއި ގުޅިގެން ފުލުހުންގެ އިދާރާއިން ބުނީ، މި މައްސަލަ އާއި ގުޅިގެން އިއްޔެ އަންހެން މީހާ ފުލުހުންގެ ބެލުމުގެ ދަށަށް ގެންގޮސްފައި ވާކަމަށެވެ. އަދި އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރު ކުރުމުން 15 ދުވަސް ބަންދުގައި ބެހެއްޓުމަށް ކޯޓުން ހުކުމް ކޮށްފައި ވާކަމަށްވެސް ފުލުހުން ވަނީ ބުނެފައެވެ.
އެރަށުން މައުލޫމާތު ދިން ބައެއް ފަރާތްތަކުން ބުނީ މި އަންހެން މީހާއަކީ މަސްތުވާތަކެތި ބޭނުން ކުރާ އަންހެނެއް ކަމަށާއި، ފަހަކަށް އައިސް އޭނާގެ އުނދަގޫ ވަރަށް ބޮޑުވެފައި ވާކަމަށެވެ.
