މެޓުން މީގެ އިތުރުން ބުނީ ފުސްވުމުގެ ސަބަބަުން ދުރު ފެންނަމިންވަރުވެސް ދަށް ވާނެ ކަމަށެވެ. 

އެގޮތުން އާއްމުގޮތެއްގައި މޫސުން ރަގަޅު ދުވަސްވަރު، ދުރުފެންނަ މިންވަރު 10 ކިލޯމީޓަރަށް ވުރެއް އިތުުރުވިނަމަވެސް، މިދުވަސްވަރު އުތުރާއި މެދުރާއްޖެތެރޭގައި ދުރުފެންނަ މިންވަރުވަނީ 4 – 5 ކިލޯމީޓަރަށް ދަށްވެފައި ކަމަށް މީޓިއޮރޮލޮޖިކަލް ސާވިސް އިން ބުނެއެވެ. 

ހުޅުމާލެ    ފޮޓޯ މެޓް

"މިހިރަފުހުގެ ސަބަބުން، ހައްސަކޮށް، ނޭވާލާ ނިޒާމުގެ މައްސަލަތައް ހުންނަ ފަރާތްތަކަށް އުނދަގޫވުން ގާތެވެ. އަދި މިދުވަސްވަރު ވާރޭފެން ރައްކާކުރުމާއި ބޭނުންކުރުމުގައި ސާފުތާހިރުކަމަށް ހާއްސަ ސަމާލުކަމެއް ދިނުން މުހިއްމެވެ." މީޓިއޮރޮލޮޖިކަލް ސާވިސްއިން ބުނެފައި ވެއެވެ.

އެ ސާވިސް އިން ބުނީ ހުޅަނގުން އިރުމައްޗަށް ވައި ބަދަލުވަމުން މިދާދުވަސްވަރު، ހިމާލަޔަން ސަރަހައްދުން ހިރަފުހާއި ދުން، ވަޔާއެކު ބޭ އޮފް ބެންގަލް ހުރަސްކޮށް ރާއްޖެއާ ހަމަޔަށް ފޯރާ ކަމަށެވެ. މީގެ ސަބަބުން، ހާއްސަކޮށް އުތުރާއި މެދުރާއްޖެތެރޭގެ ސަރަހައްދުތަކުގައި ވައި ނުސާފުވެ، ދުރުފެންނަ މިންވަރު ދަށްވެއެވެ.
މިކަން ބޮޑަށް ފާހަގަކުރެވެނީ ޑިސެންބަރު މަހުން ފެށިގެން މާރިޗު މަހުގެ ނިޔަލަށެވެ.