އެކަން ހިގައި ދިޔަ ގޮތުގެ މަންޒަރު ފެނުނު ފަރާތްތަކުން ވަނީ މީސް މީޑިއާގައި އެވާހަކަތައް ހިއްސާ ކޮށްފައެވެ.
އެގޮތުން މީހަކު ބުނީ އެ ފްލައިޓްގައި އިން ދިވެއްސަކު ބޯޓު ފުރިފަހުން ބޯޓުގެ އެމަޖެންސީ ދޮރު ހުޅުވަން މަސައްކަތް ކޮށްފައިވާ ކަމަށެވެ. އޭނާ ބުނެފައިވާގޮތުގައި، އެ މީހާ ފްލައިޓްގެ އެމަޖެންސީ ދޮރު ހުޅުވަން މަސައްކަތް ކޮށްފައި ވަނީ ބޯޓު ދަތުރުކުރަމުން ދަނިކޮށް ކަމަށެވެ.
މިކަމާއި ބެހޭގޮތުން އެމް.އޭ ސީ. އެލްގެ އޮފިޝަލަކު ސީ .އެން. އެމްއަށް ވިދާޅުވީ އެކަމާބެހޭ މައުލޫމާތެއް ލިބިވަޑައިގެންފައި ނުވާ ކަމަށެވެ.
"ތިވިދާޅުވަނީ އިންޑިގޯގެ ވާހަކަތޯ. ސޯޝަލް މީޑިއާގައި ކޮންމެ ފަދަ ވާހަކައެއްވެސް ދައުރުވެގެން ގޮސްދާނެ. ތިކަމާއި ބެހޭގޮތުން އެއްވެސް މައުލޫމާތެއް ލިބިފައިނުވޭ" އޮފިޝަލް ވިދާޅުވިއެވެ.
ބޯޓުން ދަތުރު ކުރި މީހުން ވަނީ، މީސް މީޑިއާގައި އެވާހަކަތައް ހިއްސާ ކޮށް، އެއީ ވަރަށް ނުރައްކާތެރި ކަމެއް ކަމަށާއި އެއީ ގާނޫނީގޮތުންވެސް މަނާ ކަމެއް ކަން، ފަސެންޖަރުންނަށް، ބޯޓުގެ ކެޕްޓަން އަންގާ އޯޑިއޯއެއްވެސް އާއްމުކޮށްފައި ކަމަށް ބައެއް، މީޑިއާ ތަކާއި ނޫސް ތަކުގައި ވެއެވެ.
