އެމްޓީޑީ އަކީ ރައީސް އަބްދުﷲ ޔާމީންގެ ވެރިކަމުގައި ނައިބު ރައީސް ކަން ކުރެއްވި އަހުމަދު އަދީބު އިސްވެ ހުންނަވާ އުފައްދަވާފައިވާ ސިޔާސީ ޕާޓީއެކެވެ.
މިދާއިރާއަށް އެޕާޓީއިން ވާދަ ކުރައްވަން ބޭނުންފުޅުވާ ފަރާތްތަކުން އަންނަ ހޯމަ ދުވަހުގެ 17:00 އާއި ހަމައަށް އެފުރުސަތު ހުޅުވާލާފައި ވާކަމަށް އެމްޓީޑީ އިން ވަނީ ބުނެފައެވެ. އެޕާޓީގެ ދަފްތަރުގައި ހިމެނޭ މިދާއިރާއަށް ވާދަކުރައްވަން ބޭނުންފުޅުވާ ފަރާތްތަކުން [email protected] އަށް މެއިލް ކުރުމަށްވެސް އެޕާޓީއިން ވަނީ އަންގާފައެވެ.
މިއީ ރަސްމީކޮށް މި ދާއިރާގެ ބައި އިލެކްޝަންއަށް ވާދަކުރައްވާނެކަން އިއުލާން ކުރެއްވި 04 ވަނަ ޕާޓީއެވެ. އެގޮތުން މިހާތަނަށް އެމްޑީޕީ، ޕީޕީއެމް، އެމްއެންޕީ ވަނީ މި އިންތިހާބުގައި ވާދަ ކުރާނެ ކަން އިއުލާން ކޮށްފައެވެ.
އަންނަ އަހަރުގެ ފެބްރުއަރީ މަހުގެ 05 ވަނަ ދުވަހު އިންތިހާބު ބާއްވާނެ ކަމަށް އިލެކްޝަން ކޮމިޝަނުން ވަނީ އިއުލާން ކޮށްފައެވެ.
ކޮމަންޑޫ ދާއިރާގެ ގޮނޑި ހުސްވީ އެދާއިރާގެ މެމްބަރު ހުސައިން ވަހީދު ކެންސަރުގެ އާލާސްކަންފުޅަށް ފަރުވާ ހޯއްދަވަމުން ގެންދަވަނިކޮށް އަވަހާރަވުމުންނެވެ.
