މިމަހު 25 ވަނަ ދުވަހު، ހދ. ނައިވާދޫ މޮނިޓަރިންގެ ހާލަތަށް ވަނީ ގެނެވިފައެވެ.
އެރަށް މޮނީޓްރިން ހާލަތަށް ގެނެވިފައި، ވަނީ 45 ފަރާތެއް ޕޮޒިޓިވް ވުމާއި ގުޅިގެންނެވެ. ކޮވިޑް ހާލަތު ގޯސްވެ، ނައިވާދޫ މޮނީޓްރިން އަށް ލާފައި ވާއިރު، މިއީ ކޮވިޑް 19އިގެ ބަލިމަޑުކަމުގައި އެރަށް މޮނިޓަރިން އަށް ލެވުނު ފުރަތަމަ ފަހަރެވެ.
ނައިވާދޫ ނަރުންތަކެއް ފޮޓޯ ސޯޝަލް މީޑިއާ
ނައިވާދޫން ފުރަތަމަ ކްލަސްޓާ ފެށިގެން އައީ ކޮވިޑް ބަލީގެ އަލާމާތްތަށް ފެނިގެން ސުކޫލުގެ ބިދޭސީ ޓީޗަރަކު ނެގިސާމްޕަލް އެއް ޕޮޒިޓިވް ވުމާއި ގުޅިގެންނެވެ.
39 ނުވަގޭ މިވަގުތު ކަރަންޓީން ކުރެވިފައިވާއިރު، ބަލީގެ އަލާމާތްތަށް ހުރި މީހުންނާއި ދިމާވެ ކޮންޓެކްޓްގެ ގޮތުގައި 162 ފަރާތެއް ހިމެނޭ ކަމަށް އެރަށު ކައުންސިލުން ބުނެއެވެ.
"ކާބޯ ތަކެއްޗާއި އެހެނިހެން ވަސީލަތްތަށް ޓާސްކް ފޯސް އެހީ ތެރިކަމާއެކު ލިބެމުންދޭ. ނެއްލައިދޫ ރައްޔިތުންގެ އެހީތެރި ކަމާއެކު 500 ކިލޯގެ ރޯ މަސް ލިބިއްޖެ. ނެއްލައިދޫ ރަށްޔިތުންނަށް ޝުކުރު އަދާކުރަން. މިހާލަތުގައި އަޅުގަޑުމެންނަށް އެހީތެރި ވެދެއްވީތީ. " ކައުންސިލް ރައީސް އަލީ ރަޝީދު ވިދާޅުވިއެވެ.
ނައިވާދޫ ނަރުހުން
ޗުއްޓީ ތެރޭގައި އެއް ރަށުން އަނެއް ރަށަށް މީހުން ދަތުރު ފަތުރު ކުރުމުގައި، ޙާއްސަ އުސޫލެއް އެޗް.ޕީ.އޭ އިން އާއްމުކޮށްފައިވާ އިރު، ބަލިން ރައްކާތެރިވުމުގެ ގޮތުން އެޗް.ޕީ.އޭ. ގައިޑްލައިނާ އެއްގޮތަށް އަމަލުކުރުމަށް ވެސް ސިއްހީ މާހިރުން ވަނީ އިލްތިމާސް ކުރައްވާފައެވެ.
