"ސީއެންއެމް" އާއި ވާހަކަދައްކަވަމުން ބޮންޑޭ ވިދާޅުވީ، މާލޭއަށް ލިބިފައިވާ "ސިޓީ"ގެ ދަރަޖަ އުވާލަން މަޖިލީހަށް ހުށަހަޅަން ނިންމާފައިވަނީ މާލޭ އަކީ ސިޓީގެ ދަރަޖަ ލިބިފައިވާ ރަށަކަށްވީނަމަވެސް މާލެ އޮތީ އެ ދަރަޖަ ދޭވަރަށްވުރެ ދަށްކޮށް ކަމަށްވާތީ ކަމަށެވެ.
އަދި މާލޭ ރައްޔިތުންނަށް އެހެން ތަނަކުން ބިމެއް ލިބުމުގައިވެސް "ސިޓީ"ގެ ލަގަބު ލިބިފައި އޮންނާތީ ހުރަސް އެޅޭ ކަމަށް ވާތީ ސިޓީގެ ދަރަޖަ އުވާލާ، ރަށެއްގެ ލަގަބު ގެނައުމަށްޓަކައި މާލޭ ސިޓީ އުވާލަން ހުށަހަޅަން ނިންމީ ކަމަށް ބޮންޑޭ ވިދާޅުވިއެވެ.
ބޮންޑޭ ވިދާޅުވީ މާލޭ ސިޓީ އުވާލުމަށް ރައީސް އިބްރާހިމް މުހައްމަދު ސޯލިހަށްވެސް ހުށަހަޅާނެ ކަމަށެވެ.
އެ ބިލު މަޖިލީހަށް ހުށަހަޅަނީ ސަރުކާރުގެ ފަރާތުން ބޮންޑޭ އެވެ. އެކަމަށް ތާއީދުކުރައްވަނީ މެމްބަރު މުއިއްޒު އެވެ. ބޮންޑޭ ވިދާޅުވީ، މަޖިލީހަށް މި ހަފްތާތެރޭގައި އެ ބިލު ހުށަހަޅާނެ ކަމަށާއި، މާލޭ ރައްޔިތުންގެ ހިޔާލު ނެތްގޮތް ހޯދާއި މާލޭ ސިޓީ އުވާލުމަށް ޕެޓިޝަނެއްގައި ސޮއި ކުރުމަށްޓަކައި މާލޭގައި ދޮރުން ދޮރަށްވެސް ހިންގަވާނެ ކަމަށެވެ.
މާލޭ ސިޓީ އިން ސިޓީގެ ދަރަޖަ ކަނޑާލައިފިނަމަ، މާލެ ބަދަލުވާނީ މާލޭ އަތޮޅުގެ ރަށަކަށެވެ. ބޮންޑޭ ވިދާޅުވީ އެރުން މާލޭ ސަރަހައްދުގައި އޮތް ހުޅުމާލެއިންވެސް މާލޭ ރައްޔިތުންނަށް ގޯތި ލިބޭނެ ކަމަށެވެ.
