ފުލުހުން ބުނީ މިދެމީހުން އުޅޭތަން އެދެމީހުންގެ އާއިލާއަށްވެސް ނޭނގޭ ކަމަށެވެ.
މިމައްސަލައިގައި ހޯދަމުން ދަނީ އދ. މާމިގިލި / ނޭޕާލް، ޢާއިޝަތު މާޝާ ޝާހީން 26 އާއި ހއ. ހޯރަފުށި / އަޝްރަފީގެ، ނައުފަލް އަހްމަދު 33 އެވެ.
މި މީހުން ހޯދަން ފުލުހުން އިއުލާން ކުރީ އޮޅުވާލައިގެން އެޕާޓްމަންޓެއް ކުއްޔަށް ދޭނެކަމަށްބުނެ މަކަރާއި ހީލަތުން ފައިސާ ހޯދާފައިވާ މައްސަލައެއްގެ ތަހުގީގަށެވެ. އެ ދެމީހުން އުޅޭ ވަކިތަނެއް ނޭގުމުގެ ސަބަބުން ހޯދިފައި ނުވާ ކަމަށް ފުލުހުން ބުނެފިއެވެ.
ފުލުހުން ބުނީ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް، އެމީހުންނަށް ޗިޓް ރައްދު ކުރެވިފައިނުވާ ކަމަށެވެ.
ޖިނާއީ މައްސަލަތައް ތަހުގީގުކުރުމުގައި ފުލުހުން ޢަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައި ވާގޮތުގެ މަތިން ތަހުގީގަށް ހާޒިރުވުމަށް އަންގައި މިހާރު ފުލުހުން ވަނީ އިއުލާން ކޮށްފައެވެ.
