އެމްންޑީއެފްގެ އެހީތެރިކަމާއިއެކު މިއަދު މެންދުރު މާލެ ގެނެސްފައިވަނީ ހއ. ކެލާ އުމުރުން 50 އަހަރުގެ ދިވެހި ފިރިހެނެކެވެ.
އޭނާގެ ވައަތް ފަޅިން ވާގި ދޫވުމުގެ ސަބަބުން ހއ. ކެލާއިން އެމީހާ ކުޅުދުއްފުށީ ހޮސްޕިޓަލަށް ގެނެސްފައި ވަނީ އިއްޔެ މެންދުރުގެ ވަގުތެއްގައި ކަމަށް އެ ހޮސްޕިޓަލުން ބުނެއެވެ.
އަދި ޗާޓާ ފްލައިޓްގައި މާލެ ގެންނަން ހަމަޖެއްސި ނަމަވެސް ފްލައިޓް ބާރު ބޮޑުވެ، ޖާގަ ނުލިބުމުގެ ސަބަބުން އެމްއެންޑީއެފްގެ އެހީތެރި ކަމަށް އެދިފައިވާކަން ފާހަގަކޮށް ހޮސްޕިޓަލުން ބުނީ ނޮދަން އޭރިއާ ކޮމާންޑްގެ އެހީތެރިކަމާއެކު، ޑޯނިއާ ފްލައިޓް 13:39 ގައި އެމީހާ މާލެ ފޮނުވާލާފައިވާ ކަމަށެވެ.
އެކަމާއި ބެހޭގޮތުން އިތުރު މައުލޫމާތު ސާފުކުރުމަށް އައިޖީއެމްއެޗަށް ގުޅާލުމުން އެ ހޮސްޕިޓަލުގެ މީޑިއާ އޮފިސަރު ވިދާޅުވީ، މައުލޫމާތު ސާފުކުރުމަށްފަހު އެކަމާއި ގުޅޭ މައުލޫމާތު ފަހުން ދެއްވާނެ ކަމަށެވެ.
