މޯލްޑިވްސް އެއާޕޯޓްސް ކޮމްޕެނީ ލިމިޓެޑުން ބުނީ މިއަދު ހެނދުނު ބޭނުން ކުރަންފެށި މިޓާމިނަލުގައި އެއްފަހަރާ 95 މީހުންނަށް ހިދްމަތް ދެވޭނެ ކަމަށެވެ.

ޗައިނާގެ ކުންފުންޏަކުން ކުރިއަށްގެންދާ މިޕްރޮޖެކްޓްގެ ދަށުން ހަދާ 4 ބުރީގެ އިމާރާތުގެ ފުރަތަމަ ފަންގިފިލައާއި 2 ވަނަ ފަންގި ފިލާއިން ދޭނީ ވީއައިޕީ އަދި ސީއައިޕީގެ ހިދްމަތްތަކެވެ. 

4 ބުރީގެ ވީއައިޕީ ޓާމިނަލް ގެ އާ އިމާރާތުގެ މަސައްކަތަކީ ދެ ފިޔަވައްސަކަށް ބަހާލައިގެން ކުރިއަށް ގެންދާ މަޝްރޫއެކެވެ. މި ޕްރޮޖެކްޓް ކުރިއަށް ގެންދަނީ ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އިންނެވެ.