"ރޮބޯމޭން: ދަ މޫވީ" ގެ ނަމުގައި އުފައްދާ ފީޗާ އުފައްދަނީ އޯކޭޒް އިންކް އާ މީޑިއާނެޓް ގުޅިިގެންނެވެ. މި ފިލްމު ޑައިރެކްޓްކުރަނީ ތިއޭޓާ ޕްލޭތަކުގައި ރާއްޖޭގައި ހުރި އެންމެ ކުޅަދާނަ ޑައިރެކްޓަރު މުހައްމަދު މުންތަސިރު (މުންކޮ) އާއި މަޝްހޫރު ކެމެރާމަން އިބްރާހީމް ވިޝާމް (ކަނޑި)އެވެ.
ފިލްމުގެ ސްްރީން ޕްލޭ ލިޔެފައިވަނީ ކާމިޔާބު އެތައް ފިލްމެތަކަކަށާއި ވެބް ސީރީޒްތަކެއްގެ ސްކްރީންް ރައިޓާ މަހުދީ އަހުމަދުއެވެ.
މި އަހަރުގެ ފަހުކޮޅު މި ފިލްމު ރީލީޒްކުރުމަށްް މަސައްކަތް ފަށާފައިވާއިރު ފިލްމަށް ބޭނުންވާ ކާސްޓުން ހޯދުމަށް ރާއްޖޭގެ އެކި ހިސާބުތަކުގައި އޮޑިޝަންތައް ބާއްވަން ވަނީ ނިންމާފައެވެ.
ޕަފޯމިން އާޓްސް އިން މަތީ ތައުލީމް ހާސިލްކޮށްފައިވާ މުންކޮ ވަނީ 2017 ގައި ގެނެސްދިން ފިލްމު "އިލް ނޮއިސް"ގައި ބޮޑު ސްކްރީނުން އޭނާގެ ހުނަރު ފުރަތަމަ ދައްކާލާފައެވެ. މުންކޮ އުފައްދާފައިވާ ތިއޭޓަޕްލޭތަކަކީ އެތައް ބައެއްގެެ މަދުގައި މަގްބޫލުކަން ހޯދާފައިވާ ޕްލޭތަކެކެވެ.
